⚽️ Манчестер Сити - Эвертон 2:1 асосий воқеалар иккинчи таймда рўй берди ва эътиборингизга айнан 2-бўлим вазиятларини тақдим этамиз.
@davron_fayziev

Златан Миланга келмади, Милан Златанга келди. Бундай ҳазил ибора Ибрага нисбатан кўп ишлатилади. Лекин мухлислар уни қандай кутиб олишганини кўриб ҳазилмас экан деб ўйлаб қоласан. Россонери унинг тимсолида муаммолар ботқоғидан олиб чиқадиган халоскорни кўраётгандек. Кузатамиз...

https://t.me/joinchat/AAAAAFI9pA5uoHpm9yRBbQ

⭐️ Бир пайтлар Барселона, Реал Мадрид ва Милан захираси... Тўғри, ёшликда яйлов ҳам яшилроқ, дарахтлар ҳам баландроқ кўринардию, аммо бундай захира ҳозирда ҳеч кимда бўлмаса керак. Ёш авлоднинг бунга жавобини тахмин қиляпман, бу шунчаки омадли кадр. Шундай. Бу фотолар асли ротация маҳсули.

https://t.me/joinchat/AAAAAFI9pA5uoHpm9yRBbQ

🔝 Ливерпуль муваффақияти эътироф этилганда кўпинча Салаҳ-Мане-Фирмино хужум учлиги, Клоппнинг ноёб таланти, ван Дейк девори, Алиссон сейвлари тилга олинади. Лекин, бу клуб механизмида юзаки қараганда кўзга ташланмайдиган, аммо жамоани тортадиган жангчилар ҳам бор.
Бир неча мисол.
Кечаги ўйинда Милнер 13.11 километр масофа югуриб АПЛнинг бу мавсумдаги энг яхши натижасини қайд этди.
Хендерсон 140 бор тўпга тегиш, 131 пас, 92% аниқлик, 82 пас рақиб томонида, 35 пас хужум чизиғида. Максимал фойдали харакатлар.
Арнольд ва Робертсон ўтган мавсумдан бери 20 ва 17 бор сермаҳсул узатма, умумий 37 голда иштирок этишган. Қанот ҳимоячилари орасида мутлоқ етакчилар.
Футбол жамоавий ўйин, дўстлар.
🔥🔥🔥

https://t.me/joinchat/AAAAAFI9pA5uoHpm9yRBbQ

⚽️ Испанлар дамини олди (яхши маънода), қисқа бўлса ҳам татил ўтказиб, куч ва энергияни тиклаб олишди. Бўлди, “сиеста” тугади, навбат чемпионлик пойгасига.  
Ҳозир Барселона турнир жадвали етакчиси. Мадридлик рақобатчилар яқин, хотиржам бўлишга бермайди.
Олдинда эса дерби. Атайин анонсни ДЕРБИ деб ваҳима билан бошламадим. Чунки Каталония аксарият ҳолатларда кўк-анор рангда. Эспаньол етарли даражада рақобатчимас. Бунинг ўстига сўнгги ўринда.
Очиқ айтайлик, бу ўйинда интрига топишдан Да Винчининг “Мона Лиза”си табассуми сирини очиш осонроқ. Аммо биламанки, Барса мухлислари тунги соат бирда ҳам ўйинни албатта кўриб қўяверишади. Мўжизага ишонган рақобатчилар ҳам кўришади, чунки футболда ҳамма нарса бўлиши мумкин.
Яшасин футбол!
Бугун 00:50да Эспаньол - Барселона, Futbol-TV каналида бирга томоша қиламиз!
🔥🔥🔥

https://t.me/joinchat/AAAAAFI9pA5uoHpm9yRBbQ

⚽️ Эспаньол - Барселона 2:2
Турнинг энг кутилмаган натижаси билан тугаган ўйиннинг барча эътиборли вазиятлари ушбу видеода.

https://t.me/joinchat/AAAAAFI9pA5uoHpm9yRBbQ

​​🤦🏻‍♂️ Мальмё стадиони ёнидаги Златанга ўрнатилган хайкал яна хужумга учради.
Номаълум шахслар хайкални оёғидан кесиши натижасида қурилма панжара устига ағдарилган. “Златан”нинг бошига Швеция деб ёзилган кийим ўраб қўйишган. Ерга эса бўйоқли спрейда “йўколсин” деб ёзилган. Ушбу хайкал биринчи марта хужумга учраётгани йўқ, аввал унинг бурнини кесиб кетишганди.
Ўзини нафақат энг буюк футболчи, балки, дунё қироли деб билувчи швециялик хужумчи ҳозирча хатто ўз шаҳридаги хайкалини ҳам майнавозчиликдан ҳимоя қила олмаяпти. 🤷🏻‍♂️

https://t.me/joinchat/AAAAAFI9pA5uoHpm9yRBbQ

⚽️ Реал Мадрид ҳужумида Роналду кетгач катта бўшлиқ юзага келди. Лекин, Зидан яна бир бор ўз салоҳиятини намойиш этди ва муаммо ечимини топди. Ҳужумдаги етишмовчиликни у ҳимоядаги тартиб билан компенсация қилди. Натижада Куртуа ўзига келди, Рамос ўзини босиб олди, Варан эса активлашди. Реал Ла Лигада энг кам гол ўтказди (12), доим ҳимояси билан ажралиб турадиган Атлетико сингари. Фундамент қўйиб олди Зидан. Энди агар Бэйл футбол ҳақида ўйлашни бошлаб, Азар Мадрид услубини тушуниб олса, Реал ростмана кучга киради. Шу сабабли, октябрь - ноябрь ойларида Зидан кетадими деб мендан интервьюларда ва комментларда сўрашганда, кетса Переснинг энг катта аҳмоқлиги бўлади, деб жавоб бергандим. Буюк футболчилардан яхши мураббий чиқмасди. Чиқди. Яхши эмас, зўр. Зинедин Зидан!

https://t.me/joinchat/AAAAAFI9pA5uoHpm9yRBbQ

2010 йилда Марио Балотелли Италия А сериясининг янги ўнйилликдаги биринчи голини урган эди. 2020 йилда ҳам Италияда янги ўнйилликнинг биринчи голини Балотелли урди.
Why always me 😊

https://t.me/joinchat/AAAAAFI9pA5uoHpm9yRBbQ

📋 Яна 2 кундан сўнг Таиландда Токио Олимпиадасига йўлланма берувчи U-23 Осиё чемпионати старт олади. “Миллий спорт мукофоти-2019” тақдирлаш маросимида “Йилнинг энг яхши ижтимоий ролиги” номинацияда ғолиб бўлган видеоролик футболчиларимизга янада катта куч бағишлашига ишонамиз ва сизлар билан ҳам ўртоқлашамиз!
@OlympicUz

📲 https://t.me/FAUzbekistan

UFC оламининг энг ҳавфли одами, BMF чемпиони Хорхе Масвидаль ортиқча трэшток қилиб ўтирмайди. Конкрет иш бажаради. Шунинг учун у хақида кўп тўхталаман. Хорхе яна бир яхши ишга қўл урди. У Австралияда бўлаётган улкан ёнғинларни бартараф этишга ёрдам беришга кетяпти. Катта миқдорда моддий ёрдамдан ташқари, у кўнгиллилар гуруҳига ёзилиб, бевосита воқеа жойига бориб қутқариш ишларида қатнашади. Ўзимдан кучли гангстер ясаб олиб, атрофга шунча зарар етаётган пайтда қўл қовуштириб ўтарсам, қувватим ҳам, обрўим ҳам бир тийин, деб ҳисоблайди Масвидаль.
Чемпион ✊🏼

https://t.me/joinchat/AAAAAFI9pA5uoHpm9yRBbQ

⚽️ Бу хақда ёзмасам бўлмайди. Даниеле Де Росси. Мардлик, вафодорлик, жонкуярлик рамзи. Баъзида унинг мана шундай жихатлари, катта юраги, ватанпарварлиги тўғрисида гапирамизу, ТОП даражадаги футболчи, замонасининг энг зўр таянч ярим ҳимоячиларидан бири эканини унутамиз. Жаҳон чемпиони, 2 карра Италия кубоги соҳиби, 2006 йилда Италиянинг энг яхши ёш футболчиси, 2009 йилда эса Италиянинг энг яхши футболчиси, Италияда буюк хизматлари учун орден эгаси. Лекин, мен учун Даниеле Де Росси мадҳияни юракдан куйловчи дунёдаги биринчи рақамли спортчи сифатида ёдимда қолади. Видеода ҳали ёшроқ пайти чиқди, терма жамоадаги сўнгги мавсумларда эса дахшат айтарди, юрти учун жон бермоқчи бўлган аскар тимсолида, у кадрлар чиқмади афсус. Кўрганлар билади. Де Росси, Буффон, Кьелини мана шуларнинг мадҳия айтишини болаларга қўйиб беринг. Тотти Рим иператори бўлса, Де Росси Рим ҳимояси учун турган қахрамон аскар эди. Даниеле футболчилик фаолиятини тугатибти.

https://t.me/joinchat/AAAAAFI9pA5uoHpm9yRBbQ

⚽️ Барселона ЛаЛигада биринчи ўринда. Чемпионлар лигасида бир текисда кетмоқда, рақиб ҳам қулай - Наполи. Бир қарашда ҳаммаси жойида. Лекин, лекинлари бор.
Барсачиларнинг кўпи бош мураббий Эрнесто Вальвердега ишонмайди.
Нега? Бу даражадаги клубда талаб жуда юқори. Баъзида натижа ҳам етарли эмас. Кучли шахс, харизматик инсон, медиа оламида ҳам Барса ғояларини ҳимоя қила оладиган ёрқин персонаж. Мана шу жиҳатлар бўлмаса...
Мега юлдузлар билан ишлаш ҳам бутун бир катта илм. Гапини ўтқазиш эмас, ўзини тинглашга, ишонишга эришиш. Супер клуб бошқаруви бу 23 футболчини шуғуллантиришгина эмас, миллионлаб мухлислар армиясини ҳам рози қилишдир.
Вальверде яхши мураббий, аммо юқоридаги масштабларга дош беролмаяпти. Натижада бу ўйинга ҳам таъсир қиляпти. Буни эса Барса мухлислари сезяпти.
У кетса керак. Мавсум охирида. Чемпион бўлса ҳам.
Ким келади? Шахсий фикримни айтайми? Хави...

https://t.me/joinchat/AAAAAFI9pA5uoHpm9yRBbQ

⚽️ Тайланднинг Сонгхла шаҳрига етиб келдик. Мақсад U-23 терма жамоамизни ҳамма томонлама қўллаб-қувватлаш ва турнир жараёнларини сизга яқиндан таништириб бориш. Эртадан жангга! Биринчи рақиб - Эрон. CAFA класикоси 🔥
Янгиликларни кузатиб боринг.

https://t.me/joinchat/AAAAAFI9pA5uoHpm9yRBbQ

💪🏼💪🏼✊🏼🔥🇺🇿🤲🏼

⚽️ Демак, 1:1. Ютуқ ва камчиликлар сони тенг келганда дуранг қайд этилади, деган хулосага келдим ўйинни кўриб.
Минуслар - ўйинга кеч киришилди, 1-таймнинг ярмигача ўз даражамизга чиқишга қийналдик. Устунликни тўлиқ қўлга олгач минимал вазиятдан гол уришни (айниқса бундай кучли рақибга) уддаламадик, аксинча максимал имконият - минимум гол. Ҳимоявий ҳаракатларда боғлиқлик масаласида узилишлар кўп бўлди. Натижада Эрон ҳам бир неча бор ёриб кирди. Уролмади. Яхши. Қандай камчиликларни тузатиш кераклигини кўрсатишди. Бошқалар уриши мумкин.
Плюслар - биринчи ўйинда асосий рақиблардан бирини учрашув охиригача босимда ушлаб туриш, жамоа бўлиб ҳимояланишга мажбур этиш ва Эрон дурангни ушлаш учун турли чораларни қўллагани. Охирги дақиқаларда чарчоққа қарамай ғалабани суғуриб олишга интилиш бўлди. Индивидуал ўйнашга интилиш, ҳа бугун бу баъзида ўрнида бўлмагандир, лекин жойи келади ва айнан индивидуаллик ёрдам бериши мумкин. Баъзида жарима майдонига комбинацион ўйин орқали кирилганда паслар яхши бўлди. Демак, дриблинглар ва комбинациялар микс қилинса ёмон бўлмайди.
Энди умумий хулоса. Гуруҳ ростдан ҳам оғир. Жиддий “Челлендж”. Аммо болларда уни енгиб ўтишга потенциал кўряпман. Уни очиш керак. Яхши йигитлар. Яхши жамоа.
Биламан ва сезаман, ушбу канал ўқувчилари аксарияти футболни юқори даражада тушунади. Айнан шундай мухлислар кўмаги ва тўғри ёндошуви керак ҳозир олимпиячиларга. Таҳлил, хулоса, фикр, режа ва ғалаба! Давом этамиз.
🇺🇿

https://t.me/joinchat/AAAAAFI9pA5uoHpm9yRBbQ

Испания суперкубогини жонли кузатиш иложи бўлмаяпти. Фақат мана шундай хайлайтслар орқали. Ўзим кўрганимни сизга ҳам ташлаб қўймоқдаман. Атлетико ва Барселона ҳақиқий испанча ёрқин футболни Саудияда кўрсатишибти. 5 та гол ва очиқ хужумкор ўйин 3:2. Вальверде борасида эса ўша гап - https://t.me/Davron_Fayziev/231.

https://t.me/joinchat/AAAAAFI9pA5uoHpm9yRBbQ

Муҳаммад Эльнени Ўзил ҳақида: ​
“Месут эндигина Мадриддан келганда, мен ундан ўзини катта тутишини кутгандим, чунки жуда катта клубдан ўтди. У эса камтарин ҳамда ҳурматни жойига қўядиган инсон бўлиб чиқди. Ўзини ҳеч қачон клубдан юқори қўймасди. Қайтага, ундан анча кичик клубда ўйнаганлар орасида эгоси ҳаддан ташқари катта “ўзини олувчи”лар бўларди​".

Шу Месут Ўзилни Вердерда ўйнаган пайтда майдонга отилган нонларни териб четга олиб қўйган пайтдан бери ҳурмат қиламан. Тўғри амал ва тўғри сўз.
Ўйини масаласига келсак, уни секинлашишда айблашади кўпинча, у 90-йиллар футболига, тўпга ҳар бир тегинишига урғу берадиган классик плэй-мейкерлар даврига кўпроқ мос келарди. Ҳозирги тезкор ва атлетик футболда бегонадек. Кимдир ҳаётнинг шиддатли эканидан шошиб иссиқ чойини йўл-йўлакай бир зумда симириб ичиб кетади, кимдир эса бир хўпламли кичик бир идишчадаги кофени ичиш маросимини узоқ муддатли ритуалга айлантириб, бу жараённинг ўзидан завқ олади. Ана шу иккинчиси Ўзил бўлади.

https://t.me/davron_fayziev

🇺🇿 Босимдан ўтиб олинди. Эрон билан дурангдан кейин озгина хавотир бор эди. Керакли пайт жамоа бирлаша олди. Футбол эса жамоавий ўйин. Ҳозир бир неча футболчини ажратиб айтишим мумкин, лекин назаримда аравани ҳамма бирдек тортди.
Ҳаммаси яхшику-я, аммо ҳали гуруҳдан чиқмадик. Корея балки иккинчи таркибни туширар. Бу дегани асосий таркибга ўч “оч бўрилар” овга чиқади. Мотивация масаласи эса ростдан ҳам фойдамизга хизмат қилади, деб ўйлайман.
Бизга дуранг кифоя, лекин дуранг керакмас деб тушиш керак, шунда дурангга эришса бўлади.
Корея мураббийи негадир бизнинг ўйинни медиа-трибунадан биз билан кузатди. Ўйлаб қарасам 2та қуённи урибти ақл билан. Ҳам майдонни “живой” кузатди, ҳам мониторда такрорларни кўрди. Ўзи ўтириш мумкинмас унга у ерда. Бир ҳамкасбим айтгандек - видеога олиб ОФК порталига бериш мумкин :)
Лекин, бу иш билан ўзимизда ҳам, четда ҳам шуғулланмаймиз.
Ғалаба муборак!
Давом этамиз ✊🏼

https://t.me/joinchat/AAAAAFI9pA5uoHpm9yRBbQ