⚽️ Эртага “Олтин тўп” топшириш маросими live трансляциясини ўтказиб юборманг. Futbol-tv анонсларини кузатиб боринг. Душанба оқшомида барча футбол юлдузлари қаторида сизни Парижга таклиф этамиз. Эфир орқали кўришгунча ✋🏼

@Davron_Fayziev

⚽️ Барселона Месси эвазига ғалаба қозонди, тушунарли. Атлетико эса вазиятларини қўлдан чиқаргани учун мағлуб бўлди. 10 га яқин голлик вазият ва бирортасидан фойдаланмаслик юқори даражадаги рақиб томонидан мана шундай жазоланади. Барселона ва Реал 18 декабрь кунигача очкоси тенг бўлиб туришидан умидворман.
Тунда ухламай биз билан ўйин кўрганларга раҳмат. Кўра олмаганлар эса эрталаб ҳисобни билиб кўз олдига умуман бошқа картина келади. Такроран бўлса ҳам томоша қилиш керак бу учрашувни. Месси Испания чемпионати тарихидаги энг яхши тўпурар. Хозирча шу. Эртага (бугун) яна эфир орқали кўришиш умидида хайрли тун тилайман, дўстлар!

@Davron_Fayziev

ДАМ ОЛИШ ТУГАДИ!

Футбол уик-энди зўр ўтди. Етакчиларнинг кўпи очко йўқотди. Жуда кўпи. Кутилганидан-да кўпи.
Шанба оқшоми сенсацияларини  МанСити бошлаб берди.
Бавария улаб юборди.
Челси ҳам шулар қаторига қўшилди.

Якшанбанинг ҳаққини Юве бошлади ва пешқадамликни Интерга топширди.
МЮ ва Арсеналнинг бир хил натижаси ҳеч кимни ажаблантирмай қўйган бўлса-да, топ-клубларнинг қора уик-энди сафига қўшиб қўйдик.
Наполи ўзига кела олмаяпти, унга ҳам ўргандик.

Охирги баҳс турнинг марказий ўйини бўлди ва унда қай биридир енгилса ҳам юқоридагилар рўйхатига тушарди. Бу рўйхатга Атлетикони Месси ёзиб қўйди.
Энди қизиқ ҳолат шуки, мана шу очко йўқотган клубларнинг ҳаммаси рақибига қараганда хавфли вазиятларни кўпроқ юзага келтирди. Фойдалана олмади холос. Жазо муқаррар бугунги футболда.

Яна бир қизиқ ҳолат.
Агуэро ўйнамовди, Сити вазиятларни ўлдирди.
Дибала Ювени қутқаряпти.
Лаутаро Интерни пешқадамга айлантирди.
Месси Барса учун нечанчи мартаки халоскор...
Шу тургинанинг ўзида!
Аргентина терма жамоаси нега мундиални ютолмайди, ҳайронман...

Майли, бу Аргентинанинг дарди. Эртани ўйлайлик яхшиси. Эртага Францияда йил ўйинчисига Олтин тўп топширилади.
Даъвогар уч йигит ҳам гол урди: Месси ва Роналду биттадан, ван Дейк дубль.
Уларнинг иккиси бугун тунда хотиржам ухлайди. Ғолиблигини эшитиб бўлган биттаси эса... билмадим тунни қандай ўтказади. Мабодо ухлай олса, тушига Париж кўчалари, Эйфель минораси кириши аниқ.

Биз эса, сиз билан шу маросимни Узрепорт канали орқали кузатамиз. Ҳамкасбим https://t.me/Davron_Fayziev билан эртанги тунингизни ҳам "ўғирлаймиз". Рози бўласизлар!)

⚽️ Атлетико Мадрид - Барселона ўйини видеосини томоша қилинг. Уикэнднинг марказий ўйини воқеаларга бой бўлди 🔥

@Davron_Fayziev

⚽️ «Олтин тўп» қатнашчилари маросимга йўл олишга тайёргарлик кўришмоқда. Ҳаммаси келармикин... яқин соатларда билиб оламиз. 23:30 live кузатинг Футбол каналимизда. https://t.me/x_hamidov билан биргамиз.

@Davron_Fayziev

⚽️ Интригани йўқотиш ниятим йўқ, аммо хабарларга қараганда Роналду маросимга бормаган эмиш. Агар шундай бўлса ғолиб номи аниқлангандек 🕵️‍♂️

⚽️ ОЛТИН ТЎП - 2019
FUTBOL TV live
23:30 да бошлаймиз

@Davron_Fayziev

⚽️ Демак лауреатлар:

«Олтин тўп» - Лионель Месси
«Олтин тўп» - Меган Рапино
«Копа трофи» - Матийс Де Лигт
«Яшин трофи» - Алиссон Бэккер

Табриклаймиз ғолиблар ва уларнинг мухлисларини!

Эра ҳали тугамади, ишонинг. Уларсиз футбол зерикарли ҳолатга келиб қолади маълум вақт.

Дарвоқе, расман айтаман, ташкилий ишлар ва шоуни юзага келтириш нуқтаи назардан The Best Олтин тўпдан аанча олдинда экан 😉

⚽️ ОЛТИН ТЎП - 2019

1-қисм

⚽️ ОЛТИН ТЎП - 2019

2-қисм

Эртага 2019 йилнинг энг охирги катта ўйини бўлади. Пахтакор - АГМК.  Лига кубоги финали. Ҳаво яхши бўлиши кутиляпти. Чипталар бепул берилади.  Соат 16:00 да вақтингиз бўлса Пахтакор стадионига кириб ўтинг. Ўша ерда насиб қилса кўришамиз. Яна бир нарса, VAR масаласида саволлар бўлди. Ҳа эртага биринчи бор ишга тушурилади. Лекин офлайн режимда, яъни текшириб олиш учун. Эфирга кетмаса керак. Синалади. Кейинги мавсум мобайнида VAR бўйича гуруҳ тузилиб, улар 9 ойча ўқитилади. Ана ундан сўнг 2021 йилда тўлиқ ишга туширилиши мўлжалланган, Худо хоҳласа.

@Davron_Fayziev

Спорт-экспресс нашри Россия чепмпионатида мавсумнинг энг яхши футболчисини аниқлаш бўйича сўров ўтказяпти. Айни вақтда ҳамюртимиз Элдор Шомуродов етакчилик қиляпти. Сиз ҳам қуйидаги сайтга кириб овоз беришингиз мумкин. Албатта, Шомуродовни Россия Премьер лигасининг энг яхши футболчиси деб билсангиз.

@Davron_Fayziev

https://www.sport-express.ru/football/rfpl/news/vyberi-luchshego-futbolista-2019-goda-1617507/?utm_source=pulse_mail_ru&utm_referrer=https%3A%2F%2Fpulse.mail.ru

⚽️ Бугун шу ўйинда ишлайман. АПЛ. Арсенал - Брайтон

📸 Геометрия фани ва перфекционизм белгилари уйғунлашган фото билан Жума тонгини яхши кайфият ила бошлаймиз 😊

Фото муаллифининг телеграм канали: https://t.me/HasanPirmuhamedovHP


@Davron_Fayziev

🥊 Эртага бўладиган Энтони Джошуа - Энди Руис 2-жанги бўйича... ушбу жанг аҳамияти ҳақида раҳбариятга маълумот берганман ва трансляция хуқуқи эгалари билан музокара бошланган. Унинг натижаси ҳали аниқ эмас. Яъни, ўзимга келиб тушаётган юзлаб саволларга хозир жавобим йўқ. Мен ҳам кутяпман. Лекин, яна бир кичик муаммо бор. Жанг билан деярли бир вақтда UzReportTVда Лацио - Ювентус ўйини дастурга киритилган. Унга ҳамкорлар реклама жойлаштирган. FutbolTV ҳам банд, Барселона ўйини билан. Ана шуларни инобатга олиб бокс трансляцияси эҳтимоли камроқ эканлиги ойдинлашади. Бир томонда Роналду, бошқа томонда Месси, уларни узиб қўйиб Джошуа - Руис жангини берсак қандай бўларкин...? 🤔

@Davron_Fayziev

🔥 Манчестер қандай рангда? Мовий? Охирги мавсумлар шундай эди. Бугунчи? Шошманг фикр билдиришга, айниқса жадвалдаги 11 очко фарқни кўриб, ёки Гвардиола Ситисининг шаҳарда сўнгги гегемонлигини эслаб. Қизиллар бу мавсум бирорта ТОП клубга ютқазмади. Ливерпульдан очко олган ягона жамоа. Челсини йирик ютган. Моуриньюнинг Тоттенхэмига биринчи мағлубият мазасини татиб кўришга берди. Учар Лестердан 3 очкони суғуриб олган. Арсенал осон қутилган, дурангга рози бўлиб. Қизил Манчестерга дуч келмаган ягона фаворит қолди. Ҳа, Сити.
Ана энди яна ўша савол. Ҳўш, Манчестер қандай рангда?
Бу сафарги яққол фаворитсиз дербини ўтказиб юборманг!

22:30 UzReportTV live - Биргаликда томоша қиламиз! ✊🏼

🔥🔥

@Davron_Fayziev