🎂 Бу инсонга узоқ тўхталиш мумкин. Лекин, бир жиҳатни айтиб ўтишим керак. 18 йил олдин биринчи танишганимда қанақа бўлсалар шундайлигича қолган. Кўп нарса ўрганганман. Бунинг ҳаққи ҳурмати уларнинг биронта гапларини имкон қадар иккита қилмасликка ҳаракат қилиб келаман. Ҳар томонлама яхши инсон, кучли ижодкор, катта шахс. Охирги пайтлар бизни кўп сўровларда солиштиришяпти. Бироқ бу ноўрин, ўзим айтаман ечимини, Хайрулла Ҳамидов мендан зўр, ҳар қанақасига. Бугун Устознинг туғилган кунлари, табриклайман, энг яхши тилакларни йўллайман! https://t.me/x_hamidov

@Davron_Fayziev

🛑 Манчестер - қизил рангда.
Гвардиола МанСитиси ўз майдонида ҳали бир клубга биттадан ортиқ ютқазмаганди.
16 турдан сўнг 32 очко, бу Гвардиола фаолиятидаги энг ёмон кўрсаткич.
Рэшфорд 16 ўйинда 10 та гол урди, ўтган мавсумда худди шунча уриш учун 33 учрашув ўтказганди.
Оле Гуннар - бир ҳафтада кўрсатди анча хунар) ТОП мураббийларни ранжитишда давом этяпти. Демак, ўзи ҳам шу номга яқин.

@Davron_Fayziev

🥊 Мўжиза кутгандек охиргача кутдим Джошуа - Руис реванш жанги трансляцияси ҳал бўлишини. 90 дақиқа Манчестер дербисидан кейин, яна 12 раунд кучим етганча “жанг” қилишга тайёр эдим. Афсуски бўлмади, уларнинг иккинчи жангини шарҳлаш насиб қилмади. Узр. Жуда кутгандим ўзим ҳам. Қонуний трансляциянинг шартлари шундай, катта спорт воқеаларини ҳарид қилиш осон эмас. Россиянинг «Первый» канали Европага узатувчи сигналида берилар экан жанг. Интернетда қидириб топиб кўрамиз энди.

@Davron_Fayziev

🤜🏼 UFC Вашингтонда ўзбекистонлик Маҳмуд Муродов ўзининг иккинчи жангини тажрибали Тревор Смитга қарши ўтказди. Бу сафар жангчимиз тўлиқ кэмп ўтказгани учун уччала раундда жисмонан ўзини яхши ҳис этди. Дастлабки икки раундда Маҳмуд масофада ишлади, джебларни фаол ишлатди, баъзида оёқда киклар йўллаб турди. Учинчи раундда очколар бўйича ортда қолаётган Смит таваккал олдинга бориб масофани қисқартиришга уринди. Зарбалар алмашинувига кирди. Айниқса оверхендлари ҳавфли чиқди. Маҳмуд танага ишлаб рақиб темпини бузди. Жанг якунига яқин Муродовнинг идеал комбинацияси ўнг қўлда жағ қисмига зарба билан тугади. Маҳмуднинг мушти нуқтага аниқ борди ва рақиб тахланиб йиқилди ва бир зумга уҳлаб қолди. Чиройли якун. Маҳмуд Муродовнинг UFCда иккинчи ва муддатидан олдин биринчи ғалабаси, чин дилдан табриклайман! 👏🏼🇺🇿
Ушбу видеода жангнинг энг асосий вазиятларини тўлиқ томоша қилишингиз мумкин.

@Davron_Fayziev

⚽️ Сон Хён Мин томонидан урилган супер голни кўриб шунга ўхшаш тарихий 3 та гол ёдимга тушди. Уларни битта видеога йиғдим. Солиштириб кўринг ёки шунчаки буюк футболчилар техникасини мазза қилиб томоша қилинг. Веа, Марадона, Месси ва Сон 🔥

@Davron_Fayziev

⚽️ Манчестер дербиси. Максимал вазиятларни ўз ичига олган видео. МанСити - МанЮнайтед 1:2 🔥

@Davron_Fayziev

🏆 Клопп ва Гвардиола - шунчаки дахшат!
Уларнинг дуэли ўтган мавсумнинг безаги бўлди. Англия футбол журналистлари уюшмасининг АПЛ лауреатларини тақдирлаш маросимида ҳам улар ўз чиқишлари билан ёндиришди! 😄 Иккисининг ҳам нутқи стендап шоуга айланди.
Марҳамат, ўзбек тилидаги таржимаси билан томоша қилинг!
“Менда бундай гўзал табассум йўқ” ))

@Davron_Fayziev

⚽️ Бугун ва эртага УЕФА чемпионлар лигаси гуруҳ босқичига якун ясалади. Шу билан февраль ойигача танаффус. Атлетико М, Байер, Шахтёр, Наполи, Интер, Борусси Д, Зенит, Аякс, Челси, Валенсия ва яна бир қанча кучли клублар учун охирги имконият ва ундан фойдаланмаса турнирни якунлаши мумкин.

@Davron_Fayziev

🤜🏼 18 апрель куни бўлиб ўтадиган Хабиб - Тони жанги ҳақида Sports.uz нашри учун интервью бердим. Жавобларим қизиқ бўлса қуйидаги ҳавола орқали сайтга кириб ўқиб чиқишингиз мумкин✔️

@Davron_Fayziev

http://sports.uz/103848

🎥 Бир томонда Зальцбург - Ливерпуль, бошқа томонда «Крёстный отец 2» (кинохитда). Қийин танлов.
Ҳозирги танловим - Футбол! Ливерпуль иккита уриб ўйинни тинчлантирса жаҳон кино санъати шедеврига ўтиб кетаман :)  
Зальцбургчи? Қийин-ов...

⚽️ Салаҳ бирга-бир чиқиб ноаниқ тепди. Кейта бирга-бир чиқди уролмади. Энди юқоридаги постга боғлайдиган бўлсак, сценарий бўйича Зальцбургдан вендетта қайтиши керак.
Бугун каналимга кўпроқ ёзсам ҳайрон бўлманг, катта футбол оқшомини эфирда шарҳламай, уйда ўтказиш имконияти пайдо бўлди. Лекин, сиз билан гаплашиб ўрганиб қолганман. Шу сабабли телеграмингизга смс ёзиб тураман ўйинлар ҳақида :)

⚽️ Ана, иккитани урди Ливерпуль. Лекин, ўйин тинчланмаса керак. Кейта ЧЛ мавсумидаги биринчи голини собиқ жамоасига атаб қўйган экан. Нормал одам - Салаҳ гол урган ўткир бурчакдан, ўнг оёқда, ўнг қанотдан, бундай тескари траектория билан дарвозани пойлай олмайди. Физика, геометрияларни яхши ўқимаган у, иложи йўқ тушунчанинг ўзи йўқ. Зўр, жуда зўр. Ливерпуль эса, йўқ ундай эмас, Клопп Ливерпули эса шунақа жамоа. Гўё тенгма-тенг ўйнаётгандек бўласиз. Ишонасиз. Улар эса осонгина иккитани уриб кетишади.
Кузатишда давом этамиз...

Баъзида ана шундай ўхшаб қолади тахминлар 😉 Натижани топиш учун таҳлил ёрдам беради, ҳисобигача топиш эса озгина омад билан бўлади. Танишлар ёзишяпти кейинги ўйинларга ҳам таҳмин билдир деб. Энди ўхшамаса керак. Шунчаки Интернинг Мессисиз Барселонадан очко тортиб олиши мумкинлиги, Челси эса сўнгги муваффақиятсизликлар аламини Лилльдан олишини айтишим мумкин. Буёғига сизга ёқимли футбол тилайман 🤚🏼

⚽️ Фати кўмди Интерни. Танлов катта бўлса ҳам тўлиқ шу ўйинни кўрдим. Иккинчи таркиб билан ташаббусни бериб ўйинни ҳал қилиш бу юқори даража. Барселонанинг ёш болачалари ўсяпти. Интер... камида 3 та 99 фоизлик имкониятни қўлдан чиқариш шундай тугайди. Аммо жамоа ёқди. Интер турнирни тарк этган энг кучли клуб. Плэй-оффга чиққанларнинг ҳам анчасидан устун. Фақат Контега вақт етмади. Лукакунинг эса фойдасидан зарари кўпроқдек (шахсий фикр). Лаутаруга тезкорроқ шерик керак. Боруссия Дормунд кейинги босқичда. Хайрли тун, дўстлар ✊🏼

Де Лаурентис адекват раҳбар эмаслигини эфирда ҳам кўп айтардим. Гоморра сериалини кузатиб борадиганлар Неаполь шаҳрининг ўзи бир ўзгача дунё эканини билишади. Бу ерга Марадонадек юлдуз келгани бир пайтлар ҳаммани хайрон қолдирган. Диего Наполини олдинги аҳволи билан солиштирганда космос даражасига олиб чиққан, титуллар ютган, Италияда ва Европада. Шунда ҳам Марадонанинг буюк фаолияти шармандали тугашига шаҳар босслари тўсқинлик қилмаган, балки туртки берган бўлиши мумкинлиги ҳақида ҳам таҳминлар йўқ эмас. Де Лаурентиснинг улардан нима фарқи бор? Ўша ўша ишлар. Наполига келиб ишлашга розилик билдириб, клубни стабил даражада ушлаб турган Карло Анчелоттини ЧЛ гуруҳидан олиб чиқиши билан бўшатиш? Бу Аурелионинг мураббийга жавоби. Карло Европанинг энг ТОП клубларида эркин ишлашга кўниккан. Наполида ҳам шунчаки ўз ваколатида ишламоқчи эди. Йўқ, барибир аралашди Де Лаурентис. Ва оҳири муносабатлар дарс кетди. Бундан ким ютқазди? Наполига титуллар бўйича унинг даражасидаги ўзини ҳурмат қилган мураббий келмайди аниқ. Ювентусдан бўшатилса Сарри қайтиши мумкин максимум. Анчелоттининг кейинги жамоаси эса Наполидан катта клуб бўлади. Ҳўш, ким обрўсизланди, бўшатган Аурелиоми ё қутилган Карло? Ўйлайманки жавобингиз аниқ. Анчелоттини Арсенал, Ювентус, Милан каби клублар қучоқ очиб кутиб олишга тайёр.

@Davron_Fayziev

Аввал Жозе Моуринью “атвобуси” деган тушунча бўларди. У автобус хизматини ўтаб тугатди. Маур ўша автобус орқасидан кам бўлмади-ю, энди у эскирди. Ва Жозе буни ўз вақтида тушуниб етди. Энди у хажми ва сиғими сал кичикроқ бўлса ҳам замонавий, тезкор ва бошқарувда қулайроқ “Минивен” рулига ўтирди. Натижада - 5 ўйинда 16 гол. Фақат иккита муаммо бор. Почеттино айнан ЧЛда ўлчовни юқори қўйиб кетди. Финал. Бу биринчиси эди. Иккинчи муаммо бевосита бугунги ўйинга боғлиқ. Реал Мадрид бошқарувида Моуринью орзусига бир қадам қолганда қаршисида Роберт Левандовски пайдо бўлган ва бир ўйинда 4та(!) гол уриб финалдан махрум қилган. Левандовскидан чўчийди Жозе бироз. Бавария барқарор эмас, охирги иккита ўйинни ютқазди. Ханс-Дитер Флик келажаги мавхум, унда ортиқча масъулият йўқ. Шундай экан Бавария хозир босимсиз эркин ўйнай олади. Тўғри, жадвалга бу учрашув таъсир қилмайди, шунчаки савияли футбол кўришни истасангиз 00:50да FUTBOL-TV эфирига марҳамат. Биргаликда томоша қиламиз.

@Davron_Fayziev

УЕФА чемпионлар лигаси тарихида биринчи бор плэй-офф иштирокчиларининг барчаси кучли бешлик чемпионатлари клубларидан иборат. Бу эса кучли жуфтликлар сони ошишига хизмат қилади.
Гуруҳ босқичларида хет-триклар сони бўйича рекорд ўрнатилди. Кеча Жесус учта ургач уларнинг сони 9 тага етди. Интерни айтмаса (аслида уям муносибларга ютқазди) кучли клублар турнирни тарк этмади.
Буёғига эътибор қуръага қаратилади. Иккита ажратилган сават юқоридаги фотода кўрсатилган. 5 та мамалакат вакиллари бўлгани учун жуфтликларни таҳмин қилиб кўриш осонлашди, бир мамлакат жамоалари рақиб бўлмайди. Битта гуруҳда ўйнаганлар ҳам тушмаслиги вариантларни яна қисқартиради. УЕФА қуръани 16 декабрь душанба кунига белгилаган.
Унгача эса ўз вариантларингизни ўйлаб кўринг 📝

@Davron_Fayziev

⚽️ Бавария - Тоттенхэм 3:1 ўйинидаги энг муҳим вазиятлар.

@Davron_Fayziev