Яхшибоев! Бугун ёки ҳеч қачон. Кейин қийин бўлади истеъдодига ишонтириш.

Шу ўтказилган гол ортиқчалик қиляптида. 0:0 ҳисобида 10 та бўлиб ўйнаш нормал ҳолат. Гол уриш мажбурияти ёмон

Австралия кўпчилик бўлиб темп бузишга ўйнаяпти. Жазолаш керак

Д’Агостино кучли экан. Осиё учун топ даража. Фарқ қилиб беряпти

Жасур... камчиликмиз. Ҳимояни ташлаб барча етиб келди шу стандартга. Ичкарида кураш бўларди. Зарба берадиган вазиятмаску

Бундай вазиятда стандартлар олтинга тенг

Тамом

Оптимистик постларим бугун кимгадир умид бағишлаган бўлса узр. Чин дилдан ишонгандим. Мен вазиятдан четга чиқиб олиб жамоани ёмонламайман. Мен ҳам шу мағлубиятнинг бир қисмиман. Аммо тахлил қиламиз. Хатоларни ўрганиш керак. Жамоа ёмон эмасди... хатто бугун ҳам кўрдингиз...

Австралия олимпиадада. Ўйин тенг кетаётган пайтда бир вазиятдан бир гол уришди. Ҳимояни бетонлашди. Бизни ўрганишди ва шунга қараб тактика белгилашди. Рақиб режаси ва тактикасини тан олиш керак. Ишлади

Муҳими ерга ёмон тушмаслик, сакраш учун ҳали имконият бўлади

2016 йил Жасур Абдураимов мураббийлик қилган Ўзбекистон ёшлар термаси Баҳрайнда ўтган қитъа чемпионатининг чорак финалида Эрондан енгилиб, мундиал йўлланмасини бой берганди. Ўшанда жамоани айбламаганмиз, чунки йигитлар муносиб ўйнашган, мазмунли ўйинлар кўрсатишган. Ўша жамоа асосини 1997 йилда таваллуд топган йигитлар ташкил қилганди.

2020 йил Любинко Друлович мураббийлик қилган Ўзбекистон олимпия термаси Таиландда ўтган қитъа чемпионатининг ярим финалида Саудия ва кейин Австралиядан енгилиб, Олимпиада йўлланмасини бой берди. Мен бугун йигитларни айблашни истамайман, чунки улар муносиб ўйнашди, мағлуб бўлганларидан кучсиз эмасликларига ишонтиришди, бироқ натижа қила олишмади. Бу жамоа асосини 1997 йилда таваллуд топган йигитлар ташкил қилганди.

Ҳали Париж Олимпиадасида ҳам ўйнаши мумкин бўлган 18 ёшли посбонни ҳам, муҳим ўйинда жамоани қийин аҳволда қолдирган Ойбек Бозоровни ҳам, бошқаларни ҳам айбламоқчимасман. Футболимиз ўзида бор камчиликлар учун жавоб беришда давом этмоқда. Ўша камчиликлар учун ҳаммамиз бирдек айбдормиз.

Бугун мағлуб бўлган укаларимга бошларини қуйи солмасликларини айтмоқчиман. Агар улар мухлисларни хурсанд қилишга астойдил бел боғлаган бўлишса, ҳали имкониятлари бўлади. Синов синиб қолиш учун эмас, хулоса қилиш ва хатоларни такрорламаслик учун берилади. Ишлашда давом этинг. Ҳаёт шу билан тўхтаб қолмайди.  

@diyorimamkhodjaev

⚽️ Ҳаёт давом этади. Ишни ҳам давом эттирамиз.
Бугун катта футбол куни. Испания ва Италияда айниқса.
Ўйлашимча, Реал Мадрид мухлислари оқшомни интизорлик билан кутишяпти. Сабаби, агар Зидан ва компания бугун 3 очко олишни уддаласа турнир жадвалида якка пешқадамга айланади. Чемпионлик пойгасида Барселонани Валенсия қоқилтирди. Реалнинг кайфиятига эса асосий рақиб натижаси албатта таъсир қилади.
Рақиб - Вальядолид. Ўйин меҳмонда.
Роналдо жамоаси нима таклиф қила олади? (Биламанки буни биласиз, билмаганларга билдириб қўяман, бразилиялик феномен Роналдо Вальядолид президенти). Хўш нима қила олади? Мадридда Сантьягода дуранг ўйнаб келган биринчидан, ўзи умуман кучлилар билан дурангга ўйнайди ва бунга эришади кўпинча. Бошқа жиддий факт топиш қийин. Мадрид Азар, Бэйл, Карвахаль, Асенсиоларсиз ҳам барибир фаворит. Зидан мавсумларнинг иккинчи қисмида жамоани формага чиқаради. Буни 2020 йилда ҳам кўриб турибмиз. Ла Лигада 2 ўйин, 2 ғалаба, кубокда яна битта ғалаба, плюс битта титул - суперкубок.
Шуларни инобатга олган ҳолда бугун Вальядолид - Реал Мадрид ўйинида меҳмонлар ғолиб чиқишга даъвогар. Лекин бу ухлаб қолишга сабаб бўлмасин. Катта устунлик билан юта олмаслик мумкинлигини футбол баъзида кўрсатиб қўймоқда...

Ла Лига. 21-тур.
Вальядолид - Реал Мадрид
FUTBOL-TV 00:50 live

https://t.me/joinchat/AAAAAFI9pA5uoHpm9yRBbQ

⚽️ Жозе Моуринью бошқа мураббийлардан ажралиб турувчи жиҳатлари кўп.
Ундан уёғига проф футболчи бўлмаган, лекин ўзида мураббийлик талантини сезаётган барча учун Жозе мисол бўлиб қолади. Ана Моуринью эришдику, деб тураверишади. Шундан бошлангандир балки унинг “the special one” - такрорланмас деб аталиши.
Роналду-Месси эрасида мураббий тугул бошқа супер талантли футболчилар ҳам юлдуз даражасида тан олиниши қийин эди. Жозе уддалади. Бояги ўзга сайёраликлар каби медиа-шахс сифатида омма эътиборида бўлди.
Унинг матбуот анжуманлари классикага айланган. Ҳа, дарвоқе классика деганга, Моуринью - Гвардиола давридаги эль класиколар сал бўлмаса дунёни иккига бўлиб қўярди.
Футбол психологияси унинг номи билан синоним. Бошқалар зўрға гапини ўтказадиган Матерацци, Пепе каби каллакесарларни жанг майдонига чиқиб у учун жон таслим қилишга мажбур қила оларди.
Мана шундай исёнкор, шу билан бирга кучли истеъдодга эга мураббий. Жозе Моуринью бугун 57 ёшга тўлибти, табриклаймиз!

https://t.me/joinchat/AAAAAFI9pA5uoHpm9yRBbQ

🤜🏼 Бугун енгил вазн рейтингида биринчи рақамли жангчи Тони Фергюсон жарохат олгани ҳақида хабарлар чиқди. Буни унинг мураббийи Эдди Браво айтиб ўтган. Ўз навбатида савол туғилди, ушбу тоифа чемпиони Ҳабиб Нурмагомедов билан апрельдаги жанг нима бўлади? Ҳавотирга ўрин йўқ. Тони режадагидек жангга тайёргарликни давом эттирмоқда. Браво айтган тизза жарохати енгил эди ва муаммо туғдирмади. Тони ва Ҳабиб ўртасидаги жанглар шу пайтгача 4 бор (2 марта Тони ва 2 марта Ҳабиб жарохати туфайли) бекор қилинган ва оҳиргиси айнан Фергюсон тиззасидаги боғламлар узилиб кетгани сабабли бўлган. Шунинг учун ҳам ҳозирда мухлислар улардан бири тирноғи синиб қолса ҳам чўчиб туришади. Мағлубиятсиз супер серияда кетаётган ушбу икки ноёб истеъдод эгалари ниҳоят октагонда тўқнаш келишини барча кутяпти. Жанг ҳамон UFC тақвимида бор, муаммо йўқ. Ҳозирча...
🔥🔥

https://t.me/joinchat/AAAAAFI9pA5uoHpm9yRBbQ

🎤 Ўзбек шарҳловчилари янги авлоди орасида Санжар Маҳмудхонов анча ўсишга эришибти. Бугун Осиё чемпионати финали шарҳида, олдинги студияларда, бошқа турнирларда эшитдим. Янада аниқроқ айтганда мазза қилиб эшитдим. Тўлиқ объективлик, пиарбоп гапларга ўчлик йўқлиги, аниқ тиниқ футбол борасидаги фикрлар, фактлар базаси, ўйинни ҳис қила олиш яхши даражада. Ва яна муҳим бир нарса - ўйиндан, футболчилардан, мураббийлардан ўзини устун қўймаслик. Тўғри, ҳали камчиликлар ҳам йўқ эмас. Бироз сўз бойлиги, темп етишмаслиги масалан. Умуман олганда жуда ўсибти Санжар. Хурсанд бўлдим. Чунки оз бўлса ҳам фаолиятининг бошланғич қисмида қўлдан келганча йўналиш беришга харакат қилганмиз. Уёғига индивидуал меҳнат қилган, ўз устида ишлаган. Шарҳловчига муносабат бу тўлиқ индивидуал ёндошув. Мутлоқ яхши ёки ёмони бўлмайди. Юқоридаги фикрлар ҳам шахсий ва субъектив. Дейлик сизга санаб ўтган плюслар минус бўлиб туюлиши мумкин. ФУТБОЛ бу доим дид ва фикрлар хилма-хиллигидир. Шарҳловчилик ҳам унинг ажралмас қисми.

🏀🌍 Кобе Брайант ўсмирлик пайтимиз тимсолларидан бири.
Мен ўқиган мактабда баскетболга кўпроқ урғу бериларди. Кейинчалик сабабини ўйлаб қарасам, “физ-ра” уқитувчимиз шу спортга мойиллиги кўпроқ, футболга камроқ эканлигидан бўлган экан. Футболни белгиланган вақтдан 2 дақиқа ҳам кўпроқ ўйнасак, жазоси қўлдаги “указка” билан юмшоқ жойга бериладиган тарбиявий зарба эди. Баскетболни эса дарсдан кейин 2 соат қолиб ўйнаш ҳам таъқиқланмасди. Шунга яраша шароит яратиб берарди, зал чаккимас эди. Баскетбол тўплари, щитдаги тўр ва ҳоказо инвентарлар етарли эди. Шу тариқа ихтиёрий мажбурий қизиқиб кеттик баскетболга. НБАни кўриш мумкин бўлган хажмда ётиб олиб кўрардим. Тан оламан, Коби Брайант менинг севимли баскетболчим эмасди. Маълумот ўрнида, ягона мухлислик қилган баскетболчим Аллен Айверсон бўлган (ҳозир у ҳақдамас, Гуглдан сўраб оларсиз). Рақиблар орасида асосий ҳавф Брайант томондан келарди. ЛА Лэйекрс Брайант билан кучли эди ва айнан у фарқни белгилаб берарди. Балки шу учундир шоу-бизнесга урғу берган Шакил О’Нил уни хазм қилолмасди. Брайант оҳиригача ўз ишига содиқ қолган. Вақт ўтиб Шак тан берди ва улар яқин дўстларга айланишди. Энг таъсирли твитлардан бирини ҳам кеча айнан Шак ёзди. Баскетболга қизиқишим Аллен Айверсоннинг фаолияти каби узоқ чўзилмаган. Лекин, Кобе Брайантни ўша давр, ва балки барча даврларнинг энг ҳавфли ўйинчиси сифатида эслаб қолдим...
Афсус

https://t.me/joinchat/AAAAAFI9pA5uoHpm9yRBbQ

🤜🏼 2019 йил Хорхе Масвидаль учун даҳшатли ўсиш йили бўлди.
UFC тарихидаги энг тезкор нокаут қайд этди ва тарихдаги биринчи BMF камари эгасига айланди.
Лекин бу воқеалардан олдин, 2019 йил Масвидаль учун англиялик Даррен Тиллга қарши жанг билан бошланганди.
Ўша жангга қадар Тилл рейтингда учинчи рақам, Масвидаль эса бир йиллик жангсиз танаффус натижасида рўйхатда анча пастлаганди.
Ушбу видеода Хорхенинг ўзи ўша жангни шарҳлаб беради.
Мен эса уни ўзбек тилида овозлаштирдим.
Марҳамат, дўстлар 🔥

https://t.me/joinchat/AAAAAFI9pA5uoHpm9yRBbQ

🥊 Шу ҳафта якунида юртдошимиз Муроджон Аҳмадалиев проф боксдаги энг катта жангини ўтказади. Унинг рақиби ушбу вазн етакчиси WBA ва IBF камарлари эгаси Даниель Роман бўлади. Супер жанг олдидан боксчилар юзма-юз учрашишди. Роман ўзини эркин тутишга ҳаракат қилди. Аммо Аҳмадалиев ҳам бўш келмади ва тўлиқ хотиржамлик намойиш этди. 7 жангдан иборат ғалабали серияни давом эттираётган Муроджонга саккизинчи жангида ҳам чиройли ғалаба тилаймиз! 🇺🇿💪🏼

https://t.me/joinchat/AAAAAFI9pA5uoHpm9yRBbQ

Вертолёт қулаши натижасида вафот этган 41 ёшли афсонавий Коби Брайантнинг сўнгги интервьюларидан бирини эътиборингизга ҳавола этаман.
У билан бирга халок бўлган қизчасининг баскетбол машғулотларига қанчалик жиддий эътибор қаратишини эмоцияли гапларидан сезиш мумкин. Ўша куни ҳам улар машғулотга кетаётган эдилар...

Шунингдек, Леброн Джеймс билан муносабатлари ва яна кўплаб қизиқарли мавзуларга тўхталган.
Брайантни билмаганлар ёки фақат баскетболчи сифатида танийдиган мухлислар унинг фикр юритиши ҳамда инсонийлик томонларини кўриши мумкин. Албатта кўринг.

Ўзбек тилида.

Марҳамат, дўстлар.

https://t.me/joinchat/AAAAAFI9pA5uoHpm9yRBbQ