Ҳаётимнинг энг ёрқин, қизиқарли ва серқирра кунлари айнан АОКАда ўтди. Давлат хизмати катта мактаб бўлди. Энди биз танлаган жамоатчилик йўли ҳам бундан-да воқеаларга бой, шу билан бирга, сермазмун бўлади деб ният қиламан. Нима бўлса ҳам, халқ ва юрт манфаати бош мақсад бўлиб қолади.

🥊 Видео. Муроджон Аҳмадалиев - Даниель Роман вазн ўлчаш маросими. IBF ва WBA чемпионлик камарлари учун жанг.
Аҳмадалиев - 55.15 кг
Роман - 55.15 кг
Буёғига омад MJ 🇺🇿💪🏼🔥

https://t.me/joinchat/AAAAAFI9pA5uoHpm9yRBbQ

🥊 AND NEW!!! MJ Муроджон Аҳмадалиев WBA ва IBF йўналишларида янги жаҳон чемпиони!
Шахсан мен учун жангнинг 12 раунд тўлиқ дистанцияда ўтгани ва мана шу синовни ҳам уддалай олгани ғалаба қадрини янада оширмоқда. Чунки аввал Аҳмадалиев қисқа муддат ичида нокаутга учратарди. Ҳам ғалаба, ҳам тажриба! Ва рекорд. Спингс 1978 йилда 8чи жангида чемпион бўлган эди. Буёғига Спингс ва Аҳмадалиев рекорди дейилади.
Роман саҳифаси ортда қолди.
Олтин авлод проф боксни ҳам забт этишни бошлади.
Табриклайман! 🇺🇿

https://t.me/joinchat/AAAAAFI9pA5uoHpm9yRBbQ

🌡 КоронаВирус масаласида юртимиз ОАВларида бирор бир ижтимоий ролик тайёрлаш керак. У қандай ҳолатларда юқади, юқмаслик учун чоралар кўрилиши, дастлабки симптомлари қанақа, биринчи бўлиб нима қилиш керак, Хитойдаги ўзбекистонликлар учун ишонч телефонлари ва шунга ўхшаш муҳим маълумотларни ўз ичига олган графика кўринишидаги ролик. Масалан мен ҳалигача маълумотга эгамасман у қандай бошланади, нима эвазига бунча тез инсон ҳаётини тугатади, нима у ўзи.  Тез фурсатда амалга ошириб барча ресурсларда тарқатиш керак. Биринчи шуни амалга оширган канал, сайт ёки студия ҳам савоб олади, ҳам ўз мавқеига бир плюс қўшиб қўяди.

https://t.me/joinchat/AAAAAFI9pA5uoHpm9yRBbQ

⚡️⚡️⚡️ 7-сон. «Улар»нинг навбатдаги меҳмони Профессионал футбол лигаси директори ўринбосари, журналист, футбол шарҳловчиси Диёр Имомхўжаев. Биз Диёрдан нега МТРК тақиқига тушгани, футболдаги коррупция, қонун устуворлиги, бадал ва кўтарма пуллари ҳақида сўрадик...

#efir

https://www.youtube.com/watch?v=JQiyR5w75DA&t=19s

⚽️ Анонс қилмаганимга ҳам анча бўлди. Бугун қайта йўлга қўямиз. Сабаб ҳам арзигулик. АПЛда кун афишаси. Лестер - Челси. Бу клублар айни вақтда жадвалда ёнма-ён кетишмоқда. Лекин бунга урғу бермаган бўлардим. Чунки ўртадаги фарқ 8 очкони. Ҳа, Премьер лига юқори поғоналарида айни вақтда зичлик камайган. Клублар гўёки сўнгги спринт олдидан куч тўплаётгандек. Лестер трансфер қилди, ҳимояни кучайтирди. Челси қандай куч тўплади? Ҳеч қандай. Лэмпардни рахбарият ёлғизлатиб қўйди. Ўзи ёш мураббий, шогирдлари кўпи ёш, шу жойида 1-2 та Топ ўйинчи зарар қилмасди. Бунинг устига трансфер қилиш ҳуқуқи клубга қайтарилди. Матбуот анжуманида ҳам Фрэнкидан асосан трансфердаги пассивлик борасида сўрашди. Натижада Лэмпард мавсумдаги энг қисқа конференция ўтказди. У ҳафа. Клубдан, менимча. Бу мавсум Челсидан медаллар кутиш нотўғри, ЧЛ йўлланмаси етарли. Лестер эса Роджерс бошчилигида бронзага қараб кетяпти. Бу мураббий ҳали Челсини ютмаган экан. Бугун имконияти бор. Биргаликда кўрамиз!

https://t.me/joinchat/AAAAAFI9pA5uoHpm9yRBbQ

⚽️ Лестер - Челси 2:2
Яхши ўйин бўлди.
Тўлиқ хайлайтс. Мб каттароқ

https://t.me/joinchat/AAAAAFI9pA5uoHpm9yRBbQ

⚽️ Тотенхэм – Манчестер Сити. Марказий ўйин. Бу афиша ортида икки фамилия турганини ҳамма тушуниб турибти. Айнан шу фамилиялар топ-олтиликдаги икки жамоа ўртасидаги эътиборли баҳсни принципиал супер қарама-қаршиликка айлантирмоқда. Моуринью – Гвардиола. Уларнинг “муносабатлари” бошланиши 2009 йилга тақалади. Ўшанда Чемпионлар лигаси гуруҳида Пепнинг ғалабалар машинасига айланган Барселонаси биринчи бор Жозенинг йўлтўсарлари армиясига дуч келган ва ютолмаган, Интер – Барселона 0:0. Уёғи шоуга айланиб кетган. Жаҳон футболида гегемонлик ўрнатиб бўлган Пеп учун Моур туфлисига кириб қолган тошдек эркин юриш имконини бермасди. Интер ўша йили сенсацион равишда Барсани мағлуб этиб Чемпионлар лигасида ғолиб чиққан. Портуда бу ишини қилганда кўпчилик тасодиф деб билган бўлса, Интернационале воқеасидан сўнг Моуринью ўша пайтнинг энг зўр 3 мураббийидан бири даражасига етди. Яна бири Гвардиола эди. Уёғига Реал Мадрид ва Барселонадаги дуэллар, жанжаллар, ишкаллар. Тахта бозордаги карнай-сурнайлар сабабчилари ҳам аслида шу мураббийлар бўлади. Қайсидир маънода айнан мана шу жуфтлик ўртасидаги кескинлик сабаб Манчестер шаҳрининг икки жамоаси уларни бир вақтда ишлатиб кўрган бўлиши ҳам мумкин. АПЛ пиар машинасининг катта ютуғи эди бу ҳам. Бироқ Моурнинг ўзи учунам, МЮ учунам бу пасайишга даврига тўғри келгани учун биринчи уринишда ўхшамади. Бугун иккинчи уриниш бўлади. Англияда. Моуринью – Гвардиола тўқнашуви. Биргаликда шу баҳсни томоша қилишга таклиф этаман! 🔥

https://t.me/joinchat/AAAAAFI9pA5uoHpm9yRBbQ

⚽️ Кеча Тоттенхэм - Манчестер Сити учрашуви ростдан ҳам марказий ўйин даражасида ўтди. Воқеаларга бой бўлди.
Моуринью - Гвардиола дуэлида лондонликлар устун келишди. Аммо бу осон кечгани йўқ.
Учрашувдаги барча эътиборли вазиятлар ушбу видеодан ўрин олган.

https://t.me/joinchat/AAAAAFI9pA5uoHpm9yRBbQ

МЭТРЛАР

Кечаги Пеп ва Маур тўқнашувини кўриб, одам ўзгармас экан, деб қўйдим. Гвардиола ҳалигача ўз тактик қарашлари билан енгмоқчи бўлади португални, Жозе эса, рақибининг асабига ўйнаб енгишга уринади. Гоҳида у, гоҳида бу мураббий ғалаба қозонса-да, муҳими, иккиси ҳеч қачон ўзгармайди.

“Тоттенҳем” кеча “Сити”нинг планларини издан чиқарди. Тўғри, бунга пенальтидан фойдалана олмаган Илкай ҳам ёрдам бериб юборди, аммо шу вазиятлардан сўнг “шаҳарликлар” барибир асабийлашишлари аниқ эди. Шуни кутди Маур ва...

“Сити” бир ўйинчи кам бўлиб қолгандан кейинги ҳужумлари ва голларини кўриб туриб, яқин ўтмишга сайр этмасдан иложимиз йўқ:
“Интер”нинг “Барса”ни ЕЧЛ финалига қўйиб юбормаётган ўйини...
“Реал”нинг ишкаллар остида ўтган баҳсда каталонияликларни доғда қолдира олгани (У “Барса”ни енгиш мумкин эмасди гўё)...
“Челси” “МанСити”ни қийнаётган лаҳзаси...
ва Манчестер дербисидаги талотўп курашлар ёдимизга тушади.

Либослар ўзгараверади, жамоалар ўзгараверади, аммо бу мураббий қўл остидаги йигитлар характери, услуби сақланиб қоларкан.

Даврон Файзиев шарҳ давомида тўғри айтди: Бу йигитлар бир-бири билан бошқа пайт яхши муносабатда бўлишлари мумкин, аммо шу ўйинда ўзлари билмаган ҳолда Пеп ва Маурга айланиб қолишди.

Месси ва Роналду тўқнашуви деярли тугаб бўлди, аммо бу икки телба мураббий кураши давом этмоқда. “Ливерпуль” чемпион бўлиш арафасида, бироқ бу иккиси яна барчани ўзларига қарата олишди. Мэтрлар, маэстролар...

https://t.me/joinchat/AAAAAD8AW4rilq2s6v2Teg

🐊 Карим Бенземани тимсоҳга ўхшатаман :) Ўйин услубимас, ташқи кўриниши ҳам эмас. Топингчи нимаси билан?
Зийраксиз дўстларим, зийраксиз, дарров топдингиз.
Ҳа, у динозаврлар давридан бери (галактикос, десима, Зидан эралари) жон сақлаб келмоқда ва ҳамон ов қилишни унутмаган! Кимлар келмади, кимлар кетмади, не-не динозаврлар 🦖🦕
Аксинча уларнинг эраси тугагач, тимсоҳ ер юзидаги энг хавфли йиртқичлардан бирига айланди.
Хуллас Бензема ўйинини деталларга бўлиб тахлил қилиш эмас мақсадим, ўзи буни амалга ошириш жуда мураккаб иш. Лекин, шундай спорт журналисти борки, у Бензема ҳақида Юра давридан бери ёзилган энг катта таҳлилий мақола муаллифига айланибти.
Қизиқсангиз уёғини Қаҳрамон Аслановнинг телеграм каналида томоша қиласиз ⬇️

https://t.me/asl_futbolhttps://t.me/asl_futbol

Дарвоқе, у ерда муаллиф томонидан футбол борасидаги барча муҳим ходисаларга объектив ёндошувда постлар жойлаб борилади. Ўзим ўқиб бораман ва сизга ҳам бўлишдим 👍🏼

⚽️ Футбол тв студиясида ҳафтанинг марказий ўйинлари борасидаги фикр мулоҳазаларимиз.

1-қисм

(Мб каттароқ)

https://t.me/joinchat/AAAAAFI9pA5uoHpm9yRBbQ

⚽️ Футбол тв студиясида ҳафтанинг марказий ўйинлари борасидаги фикр мулоҳазаларимиз.

2-қисм

(Мб каттароқ)

https://t.me/joinchat/AAAAAFI9pA5uoHpm9yRBbQ

😰 Франческо Тотти... Рома билан хайрлашиш сўзлари!

Уни Рим Императори дейишади. Баландпарвоз ном, тўғри, лекин мухлислар уни сўнгги учрашувда қандай кузатганини кўриб, бу ном унга мос эканлигига амин бўласиз.
Рома клуби ва Италия терма жамоаси афсонаси Тотти императорларга хос нутқи билан римликларни йиғлатганди.

Сиз билан ўртоқлашиш ниятида ўзбек тилига таржима қилдим.
Марҳамат дўстлар 🔥

https://t.me/joinchat/AAAAAFI9pA5uoHpm9yRBbQ

4 февраль - халқаро саратонга қарши кураш куни экан.
Россиялик спорт шарҳловчиси, айни вақтдаги менинг севимли шарҳловчим, дўстим Юрий Розанов бир йилдан ортиқ вақт давомида ушбу касалликдан даволанмоқда. Ҳамкасблари ёрдамида эфирга секин қайтишга ҳаракат қиляпти. Тўлиқ қутилиб, аввалгидек формада эфирга киришиб кетишига тилакдошман.

https://t.me/joinchat/AAAAAFI9pA5uoHpm9yRBbQ

⚽️ Қизиқ статистика.
Мавсум давомида АПЛ клубларининг VAR қарори билан нечта пенальти/голи ҳисоблангани ва инобатга олинмагани ҳисоблаб чиқилган.
Якунда VAR бўлмаганда ким кўпроқ фойда ёки зарар кўриши ушбу суратда акс эттирилган.
Масалан Лестер ва Шеффилд умумий 5 тадан гол йўқотган. Манчестер Юнайтед эса видео ассистентлар ёрдамида 3 та хаққоний голига эришган.

https://t.me/joinchat/AAAAAFI9pA5uoHpm9yRBbQ

Ливерпуль Англия чемпионатининг 25 ўйинида атиги 15 гол ўтказиб юборди. Фантастик натижа.

Фақатгина бир учрашувда Ливерпуль дарвозасига биттадан ортиқ гол урилган. У ҳам бўлса Клопп жамоаси 5:2 хисобида Эвертонни мағлуб этганда.

Мавсум бошида жарохат олган Алиссон Бекер эса кейинчалик ўзи иштирок этган 17 учрашувда 6 марта дарвозасидан тўп олиб чиқди.
Мана ўша бахтли олтилик:

⚽️Маркус Рэшфорд / МЮ
⚽️Харри Kейн / Тоттенхэм
⚽️Трезеге / Астон Вилла
⚽️Бернарду Силва / Ман Сити
⚽️Уилфрид Заа / Кристал Пэлас
⚽️Хименес / Вулверҳэмптон

https://t.me/joinchat/AAAAAFI9pA5uoHpm9yRBbQ

Дўстлар, каналимнинг азиз ўқувчилари. Икки йил аввал ёзган бир мақоламни бугун яна эътиборингизга ҳавола этмоқчиман. Нега айнан бугунлигини ўқиб чиқсангиз тушуниб оласиз. Марҳамат.


РЕЙГАННИНГ МУХЛИСИ

«Совет Иттифоқига уруш эълон қилдим, ядровий ҳужум 5 дақиқадан сўнг бошланади». Рональд Рейган

Турли сайтлар АҚШ президентлари орасида энг юқори рейтингга эга етакчи сифатида Рональд Рейганни эътироф этади. Сабабларини изласангиз, кўплаб қизиқарли фактларга дуч келасиз. Сиёсий фаолиятини оладиган бўлсак, 40-президент даврида АҚШнинг иқтисодий ва ижтимоий ҳаётида катта ўсиш қайд этилган.

Ўша даврда АҚШнинг сиёсий майдондаги асосий рақобатчиси Совет Иттифоқи билан муносабатларни эса икки қисмга ажратиш мумкин. 80-йилларнинг биринчи ярмида Рейган Совет Иттифоқини «ёвузлик империяси» дея атаб, ҳарбий соҳа ҳамда қуролланиш харажатларини деярли 30 фоизга оширади ва ҳали ихтиро қилинмаган «Юлдузлар жанги» инновацион мудофаа тизими билан оғзаки таҳдид қилади.

Иккинчи муддатда эса муносабатлардаги муз шиддат билан эрий бошлади. Бу даврда Горбачёв билан дўстона учрашувлар, совуқ урушнинг тугатилиши ва қуролланиш пойгасига чек қўйилади, ишсизлик даражаси эса минимал 10 фоизга тушиши билан тарихда қолади.
Бу ишлар Рейган рейтингини Собиқ Иттифоқда ҳам ошириб юборган.
Россия кинематографиясининг буюк актёрларидан бири Савелий Крамаров ҳикоясини эшитгансиз, албатта. Миграция орзусининг сўнгги чораси сифатида у Рейганга аталган «Артистдан артистга» мурожаат хатини АҚШ элчихонасининг деворидан ичкарига улоқтирган. Шу йўл орқали Крамаров учун ўз юртидан кетиш ва янги ватани — Америкага кириш эшиклари очилди.

Шунингдек, Рональд Рейган «Америка орзуси» иборасининг амалдаги яққол мисоли эди. У ўртаҳол ишчи оиланинг фарзанди. Кейинроқ Голливуд актёри бўла туриб, жаҳоннинг энг қудратли давлатларидан бирига етакчи этиб сайланишдек фантастик йўлни босиб ўтди. Голливуддан сиёсатгача бўлган йўлда актёрлар касаба уюшмаси кўприк вазифасини бажариб берган бўлса, Рейганнинг ўткир ақл-идроки, ноёб ораторлик маҳорати ва харизмаси оғир йўлда қанот бўлиб хизмат қилди.

Дарвоқе, Американинг 40-президенти коллежни битиргач, биринчи иш жойи радиостанция бўлган. У ерда Рейган (шу жойига диққат қилинг) спорт шарҳловчиси бўлиб ишлаган ва ўша даврларни ҳаётининг энг бахтли онлари сифатида эслаган.
Балки айнан радиодаги эфирлари ёш Рональдда оммани ўзига қарата олиш хусусиятларини шакллантиргандир...
Президентлик даврида Рейганнинг чиқишларини экран қаршисида бутун Америка аҳли қизикиш билан кутарди ва томоша қиларди. Айниқса, ҳазиллари машҳур эди.

— Коллежда президентлик ваколатлари жуда керак эди. Федерал бюрога баҳоларимни махфийлаштиришни буюрган бўлардим.
— Фавқулодда ҳолатлар юз берса, мени истаган вақтда безовта қилишингиз ва уйғотишингиз мумкин, ҳукумат йиғилишида бўлганимда ҳам.

Ҳатто шундай воқеа ҳам бўлганди. Радиода интервью бериш олдидан бошловчининг микрофонни текшириб кўриш учун бир оғиз гапириб кўриш илтимосига жавобан Рейган: «Совет Иттифоқига уруш эълон қилдим, ядровий ҳужум 5 дақиқадан сўнг бошланади», — деб ҳазиллашади. Бу гап эфирга кетди, табиийки, уни океан ортида ҳам эшитишган. Ўша ҳазил чинаккам урушни келтириб чиқаришига оз қолганди.

Аслида Рейганнинг ўзи учун президентлик даври осон кечмаган. Сайловлардан кўп ўтмай, унга суиқасд уюштирилди. Актриса Жоди Фостернинг эътиборини қозониш мақсадида руҳан носоғлом Джон Хинкли президентга ўқ узади. Бахтли тасодиф туфайли Рейган кўкрагига теккан ўқдан ҳалок бўлмади. Бу воқеа унинг саломатлигига жиддий таъсир кўрсатса-да, иккинчи муддатга ҳам номзодини қўйиб, сайланиб, ишини давом эттирди. Оқ уйни Рейган ғолиб президент сифатида тарк этган. Ҳаётининг қолган қисмини эса орттирган ҳасталиклари билан курашишга бағишлаган.

Рональд Рейганнинг бошқа минтақалардаги машҳурлигига бир мисол. Португалиялик жисмоний тарбия ўқитувчиси Жозе Диниш Рейганнинг чиқишларини мунтазам кузатиб борган ҳолда, унинг мухлисига айланади. У Рейганнинг ҳаёти ва фаолиятига бағишланган нашрлар, мақолалар ва барча мавжуд маълумотларни йиғиб борди.