⚽️ Эйбар - Реал Мадрид учрашуви голлари ва эътиборли вазиятлари. Интрига сўзи бу учрашувда деярли янграмади. Эйбар эрта таслим бўлди (этилди). Вальверде - янги Модрич!

⚽️ Таркиблар. Бошлаяпмиз

⚽️ АПЛ марказий ўйини.
Ливерпуль - Манчестер Сити.
ВАР аралашса ҳам кўплаб баҳсларни келтириб чиқарган учрашув. Барча эътиборли вазиятлар

Дудь 📹

Матч тв очилгач «студийный» шоу дастурларга урғу берди. Юрий Дудь экранда ва кадрда ўшанда пайдо бўлди.  Айнан кадрда. ТВга сал олдинроқ кириб келган. “Все на матч” эфирини модель кўринишида идеал костюмда жонсиз маникендек жилмайиб турувчи бошловчилар эгаллаганди. Юра ирокез сочлари, рангба-ранг футболка ва йиртиқ джинсылари билан ажралиб турарди. «Культ тура», «Удар головой» лойиҳаларида чиқиб юрди. Канделаки учун “неформат”. Қисқа вақтда тушунди Матчда регресс бошланди. Топ шарҳловчилар кетди, трансляциялар танлашда хатолар, асосий маблағ СТС услубидаги шоуларга сарфланди. Ва энг охирги сабаб Канделаки ўзини ва канални танқид қилган Sports.ru га уруш эълон қилиши. Дудь эса Sportsнинг асосчиларидан бири ва у ТВдан чиқиб кетди.
Матч ўзи билмаган ҳолда рус журналистикада янги юлдуз кашф қилинишига сабабчи бўлди. Юра ўзини YouTubeга урди ва ВДудь лойиҳасига асос солди. Бу қандай лойиҳа экани, қанчалик машҳурликка эришиши, 100 миллионлаб просмотрлар йиққани ҳақида ортиқча гапириш шартмас. Биласиз, кўрасиз, эшитгансиз. Дудь интервью жанрини тирилтирди, форматларни бузиб ташлади, ҳаваскор контент билан проф дастурларни уриб қўйди. Соатлик интервьюлар аудиториясини +35дан камида 15 йилга ёшартирди. Познер, Гордонларнинг суҳбатдош билан қийинроқ хазм бўлувчи интеллектуал тафаккур ўйинлари (mind games) фонида унинг маҳсулоти  янги мевали фрэшдек енгил ва ёқимли истеъмол қилинди. Интервью минг йиллик жанр, тўғри, Дудь кашф қилмаган. Дудь шунчаки стулга қулай ўтириб олиб, телефонини ушлаган ҳолда, қаршисидаги одам олдида унинг мухлиси образида пайдо бўлди. Жим-жимадор кириш сўзи билан одамни дарҳол расмиятчилик қобиғига тушириб қўймади, аксинча йўл тутди. Дудьнинг қўлидаги телефонда худди сканер қилингандек унинг ҳаёти ва фаолиятига оид ҳамма фактлар борлигини тушунганда суҳбатдош аллақачон ўзини ўқишга йўл қўйиб берган бўлади. Бир қараса рэпер, кейингисида Ходорковский, комиклар, Навальный, Собчак... кимлар келмади. Кўпини танимай туриб мегабайт сарфлаб кўрамиз, афсусланмаймиз. Ҳаммаси билан тушунарли тилда гаплашди. Очиқ, актуал, нейтрал ёндошади.
Дудьнинг ютуғи фақат ўша видеолари ҳам эмас, балки таъсир доираси бўлди. Бизгача етиб келди унинг таъсири. Вдудь услубида ишловчи камида 3-4 яхши видео-блоглар кўрдим. Нафақат интервью олувчилар, балки бераётганлар ҳам очилди, ечилди, вдудьлашди. Суҳбатдошлар ҳаммасиям Вдудь кўрмагандир, лекин бошловчининг ўта эркинлигидан самимийлашиб кетишяпти. Alter-ego масалан, ва мана бугун кўрганим Ular блоги. Ва яна бор ўзбек блогосфераси Вдудьлари. Бўлсин, кўпайсин, етсин ўша даражага. Дудь ҳам тўхтамади, фильмлар ишлаяпти, жиддий фильмлар. Бирини ўзбек тилига ҳам таржима қилишди, кўрдим яхши анча. Керак бу. Хуллас, бир талантли, адекват, профессионал йигит қанча журналистларга блог юритишга туртки берди. Натижада Ортиқхўжаев, Алламжонов, Davletovuzлар томошабинга яқинлашди. Яна қанча номдор фамилияли шахслар бор, одамлар билишни истаган.
Дудь ТВдан бўшагач асл потенциали очилди. ОАВлар кучли кадрларни қадрламас экан, улар эркин парвоз қилиб, ўзи ОАВга айлана оладиган давр ҳозир.
Юқорида Юрий Дудь кадрда Матч ТВда пайдо бўлди, аслида аввал ҳам ТВда ишлаган деб айтдим. Ўша аввал ишлаганда у НТВ Плюс каналларида футбол шарҳловчиси эди. Бекорга менда симпатия пайдо бўлмаган унинг ижодига, ўшандаёқ сезиларди бўладиган бола эканлиги :)


https://t.me/Davron_Fayziev

Оз қолди... 🇺🇿

🥊 UFC янгиланган рейтинглари билан таништириб ўтаман. Вазнлар бўйича барча чемпионлар ва даъвогарлар.

Энг енгил вазн
Чемпион - Генри Сехудо
Даъвогар - Джозеф Бенавидес

Супер енгил вазн
Чемпион - Генри Сехудо
Даъвогар - Марлон Мораес

Ярим енгил вазн
Чемпион - Макс Холлоуэй
Даъвогар - Александр Волкановски

Енгил вазн
Чемпион - Хабиб Нурмагомедов
Даъвогар - Тони Фергюсон

Ярим ўрта вазн
Чемпион - Камару Усман
Даъвогар - Колби Ковингтон

Ўрта вазн
Чемпион - Исраель Адесанья
Даъвогар - Роберт Уиттакер

Оғир вазн
Чемпион - Джон Джонс
Даъвогар - Дэниел Кормье

Супер оғир вазн
Чемпион - Стипе Миочич
Даъвогар - Френсис Нгану

BMF камари
Хорхе Масвидаль

Аёллар ўртасида 4 та вазн чемпионлари:
Энг енгил - Занг Вейли
Енгил - Валентина Шевченко
Ярим ўрта - Аманда Нуньес
Ўрта - Аманда Нуньес

Pound-for-pound рейтинги
Вазн тоифасидан қатъий назар энг кучли жангчилар:
1. Джон Джонс
2. Хабиб Нурмагомедов
3. Генри Сехудо
4. Стипе Миочич
5. Аманда Нуньес
6. Дениел Кормье
7. Макс Холлоуэй
8. Исраель Адесанья
9. Тони Фергюсон
10. Камару Усман

https://t.me/Davron_Fayziev

📖 Эртага воқеаларга бой кун.
ОФКдан медиа соҳаси мутахассислари келишган. Бири ESPN канали машҳур шарҳловчиси. Яна бири техник мутахассис. ЖЧ саралаш ўйинлари трансляциялари бўйича ўз тажрибалари билан ўртоқлашишади.
Куннинг иккинчи ярмида 15:30 дан бошлаб 18:00 гача Ўзбекистон - Саудия Арабистони ўйин олди расмий тадбирлари. Матбуот анжумани, машғулотлар. Йўл-йўлакай учрашув куни ОАВ ёритиши учун керак бўладиган шароитлар яратиш билан банд бўламиз.
ФИФАнинг продакшн гуруҳи келиб жамоамиз фаолиятини тасвирга туширяпти. Бири Гарри Линекернинг ўғли экан. Яхши фильмлар ишлашибти аввалги сафарлар давомида. Тайёр бўлганда кўрамиз, бўлишамиз сиз билан ҳам.
ЎФА-Медиадаги шерикларга алоҳида раҳмат. Ўз ишининг фидойилари, усталари, энг муҳими яхши инсонлар. Шуларнинг кўмаги билан иш кетяпти, самаралими ёки йўқ, хулоса сиздан. Ҳаммаси бир мақсад сари йўналтирилган. Терма жамоа. Ғалаба. Мухлислар хурсандчилиги. Яқин икки кун ҳаммамиз учун хайрли ўтсин, юзимиз ёруғ бўлсин, тош-ойналар синмасин.

#эртангирежа

⚽️ Ўйин куни. Бугун икки мураббийнинг қандай режа қилаётгани жуда қизиқ. Чунки иккала жамоа ўзини фаворит деб билади. Саудия охирги жаҳон чемпионати қатнашчиси, аммо ундан кейин мураббийлар штаби алмашиб кетди. Саудиянинг ярим таркиби Осиё чемпионлар лигаси финали қатнашчилари. Лекин, улар тикланишга улгуришганмикин. Эрве Ренар ўртача жамоаларни саралашлардан ўтказиб мундиалга олиб борган. Бироқ бизнинг қитъа билан ҳали яқиндан таниш эмас, очко йўқотяпти.
Бизда менимча тактика эмас, таркиб очиқ масала. Чунки Абрамов тактикаси аввал ҳам кўрганмизки, кучли рақиб қаршисида ўзгариб қолмаган. Тўп ўзимизда бўлиши керак. Хужум статистикамиз яхши бўлади, катта эхтимол. Ҳамма гап вазиятлардан фойдаланишда.
Баҳсли амплуа - ҳимоя. Шу жойида Абрамов сир бой бермаяпти. Фақат Тўхтахўжаев позицияси нисбатан аниқроқ. Қолганлар 100% эмас. Одил Аҳмедов фарзиндек универсал, мабодо ҳимояда тушиб қолса ҳам бошқа функциялари ўзида қолади, ёнган жойга боради. Майдон марказида ҳам вариантлар бор. Танлов осон эмас. Шукуров, Қодирқулов, Алибоев, Искандеров, иккала Одил. Бешта футболчи, учтасини танлаш керак. Энг муҳим бўғин, масъулият максимал даражада.
Хужум учлиги ўзгармаса керак, кимлигини биласиз.
Яхши томони, мухлислар яна стадионга қайтишяпти, бугун трибуналар тўлиши деярли аниқ. Фантастик атмосфера.
Шуни ҳам айтиб ўтишим керак, жамоа ичида муҳит яхши. Ҳамжихатлик бор. Буям кўп нарсани ҳал қилади.
Ҳаммага омадли кун! Ҳаммамизга.

🎤 Билишим бўйича Ўзбекистон - Саудия Арабистони учрашувини 99% аниқлик билан Мурод Ризаев шарҳлаб борар экан. Бу смс-сўровнома орқали овоз бериш йўли билан аниқланган.

⚽️ Яна бир факт.
Терма жамоамизнинг бугунги ўйин қайдномасидан ўрин олган барча футболчилари орасида фақатгина 3 таси Саудия Арабистонига қарши аввал ҳам ўйнаган.
Булар Одил Аҳмедов (4 бор), Жамшид Искандеров ва Лутфулла Тураев бир мартадан.
Қолган барча футболчиларимиз учун бу Саудия билан дебют ўйини бўлади.


https://t.me/Davron_Fayziev

Кеча ютқаздик. Буни қабул қилиш ва айниқса тушуниш қийин бўляпти. Чунки 94 дақиқа давомида устунлик билан ўйнаган ҳолда ютқаздик. Арабларнинг 3 чи голида жиддий хато қилдик. Қолган вазиятлар учун жамоага эътироз билдириб бўлмайди. Прессинг, комбинациялар, яккакурашлар, темп... бор эди ҳаммаси. Интернетдаги фикрлар ва стадионни тарк этаётган мухлислар гапларидан ҳам шу хулоса тасдиғини топди. “Шундай ўйинда қанақасига ютқаздик”, асосан шу мазмундаги фикрлар. Абарамов бунга - эмоциялар устун келиб охирги дақиқаларда битта тўп фарқи билан ютаётган жойимизда хужумга югуриш асосий сабаб, деб изоҳ берди. Тўғри, лекин вақт ўтиб ҳимоя тартибга келиб, хатолар камайгач шу хужумкор услуб билангина Корея, Япония, Эронларга бас келиш мумкин. Кейинги босқичда ўйнасак асосий вазифа шу темпни сақлаб қолиб, гол ўтказишни камайтириш. Шуни ҳал қилишимиз керак. Эрве Ренар ўйин тугагач бизнинг мураббий ёнига алоҳида келиб “Жамоанг шунчаки дахшат!”, деб кетди. Нима бўлганда ҳам шу куни жамоани қўллаб-қувватлаган, трибуналарни тўлдирган минглаб ва экран қаршисидаги миллионлаб мухлисларга раҳмат айтиш керак, афсуски байрам тақдим этолмадик. Биринчи давра тугади, олдинда 4 та учрашув. 4 кундан кейин Фаластинни қабул қиламиз ва агар ютсак гуруҳда биринчи ўринга қайтамиз, баҳоргача.  Шунда Саудия Арабистонини меҳмонда ютиш мажбурияти қолади. Бошқа йўл йўқ. Иккинчи ўрин биз учун вариант эмас.

⚽️ Кечадан бери футбол мавзуси айланяпти. Ушбу видео ҳам футболга оид. Унда хорватиялик ўт ўчирувчилар ўз терма жамоасининг Жаҳон чемпионати чорак финалида Англия билан ўйин якунланишига яқин ҳолат акс этган. Битта пенальти ҳаммасини ҳал қилади. Улар буни интиқлик билан кутишаётган эди. Ана шу пайтда уларда чақирув тревогаси янграйди. Касбга садоқатни кўринг. Қойил! (c)                        
Najot Nur инстаграмидан олинди.

📖 Ҳеч қачон бойлик, қудрат ва шухратга ҳаддан ортиқ берилманг. Бир кун шундай инсонни учратасизки, унинг учун булар умуман аҳамият касб этмайди. Шунда қанчалик қашшоқ эканлигингизни тушунасиз. (с) Редьярд Киплинг

🤜🏼 UFC ёритувчи нашрларда мана шундай сурат пайдо бўлди. Soon эмаслиги аниқ, тахминан мартларда бўлса керак. Аммо бундай обложкалар чиқиши жанг шартномаси имзоланиши яқинлигини билдиради. UFC пиарчилари мавзуни секин айлантиришни бошлади. Аслида бу жанг йиллар давомида промо қилиняпти. 4 бор ташкил этилиб, ҳар хил сабаблар билан бекор қилинган. Бешинчи уриниш. Тони Фергюсон услуб жиҳатдан Нурмагомедов учун энг хавфли рақиб. El Cucuy кетма-кет 12 ғалабали серияда кетяпти. Кейинги рақиби Тони эканлигини балки Ҳабиб Тошкентдалигида эълон қилар. 23 ноябрь куни у юртимиздаги биринчи расмий ММА турнирига келади.

🎥 АҚШда “Симпсонлар” мультфильми «культовый», яъни ноёб асарга айланган. Бутун дунё севиб томоша қилади. Оддий бир америкаликлар оиласи ҳаёти тасвирланган. Шу билан бирга, дунёда резонанс уйғотган кўп воқеаларни Симпсонлар аллақачон ўз эпизодларида кўрсатган бўлиб чиқади. Бизда ҳам бор шундай ҳаётий картина. Ва бу - “Шайтанат”. Жамиятда нимаики рўй берса, фильмдан шунга ўхшаш эпизодни топиб чиқаришяпти.
Фақат бир фарқ, Симпсонлар ҳамон катта экранларда.


https://t.me/Davron_Fayziev