Telegramda "Liverpul" jamoasiga oid yangiliklarini eng tezkor va sifatli yetkazib beruvchi kanalga obuna bo‘ling.

O‘yin oldidan qiziqarli intervyular, vaziyatlar va gollar, shuningdek, o‘yinlar jadvallari ushbu kanalda muntazam berib boriladi.

"Liverpul"ning ashaddiy muxlislarini kanalda kutib qolamiz.

Твиттерда ҳам расмий саҳифамни очганимни эслатиб ўтмоқчиман.

Мана шу ерда
👇🏼
twitter.com/davron_fayziev

Жозе Моуриньо ўз фаолиятида биринчи бор мавсум давомида 10 марта мағлубиятга учради. Тоттенхэм бош мураббийи ўнинчи мағлубиятни собиқ жамоаси Манчестер Юнайтеддан қабул қилиб олди. Жозе ҳамон футбол учун тарихий шахс, бироқ унинг ҳозирги мураббийлик ғоялари иш бермаётгандек. Бу вақтинча деб ўйлайман. Моур фаолияти чўкаётган ҳолатда камбэк қила олашига менда ишонч бор.

t.me/Davron_Fayziev

Испания чемпионати турнир жадвали.

30 тур ортда қолди. Юқоридаги учлик ўртасида фантастик рақобат. Атлетико, Реал ва Барселона орасида биттадан очко фарқ. Улар яна 8 тадан ўйин ўтказишади. Лидерларнинг бу мавсумдаги очко йўқотиш доимийлигини инобатга олсак чемпион масаласи ҳамон катта сўроқ остида. Кучли учлик кимлар билан ўйнайди? Кўриб чиқамиз.  

Атлетико - Эйбар, Уэска, Бильбао, Эльче, Барселона, Сосьедад, Осасуна, Вальядолид.

Реал Мадрид - Хетафе, Кадис, Бетис, Осасуна, Севилья, Гранада, Бильбао, Вильярреал.

Барселона - Хетафе, Вильярреал, Гранада, Валенсия, Атлетико, Леванте, Сельта, Эйбар.

Бу учрашувларнинг ҳар бири финал даражасига тенг бўлади. Ёқимли томоша!

t.me/Davron_Fayziev

Баҳорги ТВ трансфер ойнасида FUTBOLTV шарҳловчилар жамоасига яна бир ижодкор келиб қўшилди. Ҳамкасбимиз Бобур Акмалов шарҳловчилик фаолиятида пауза юзага келгани сабабли UZREPORTTV билан эркин агент сифатида шартнома тузди. Хабарингиз бор жамоамиз Евро турнирлар ва Пролигадан ташқари, ОФК чемпионлар лигасига тайёргарлик кўрмоқда. Табиийки параллель мусобақалар учун таркиб кучайтирилиши, айниқса Осиё футболида катта тажрибага эга мутахассис позициясига номзод керак эди. Келишув номуайян муддатга тузилди. Акмалов шу ҳафтанинг ўзида машғулотларга киришиши ва расмий ўйинларда иштирок этиши мумкин. Welcome :)

t.me/Davron_Fayziev

Муборак ой қутлуғ бўлсин!

Рамазон шарофати ила футбол дастурларимиз вақти ўзгармоқда:

18:00дан Узрепорт каналида Рамазонга бағишланган туркум кўрсатувлар тайёрланмоқда. Махсус дастур ифторликдан аввалга мўлжаллангани боис, биз
"Футбол студияси"ни 16:30дан бошлаймиз (ушбу кўрсатувга янги иштирокчи келиши кутилмоқда)

Аммо тунги вақт футболлари жойида. Айниқса, Париждаги ўйин шиддатини ҳозирданоқ ҳис этаётган бўлсангиз керак,а?! Ҳамкасбим @Davron_Fayziev билан финалчилар ишини охирига етказиб қўямиз.

Жонли эфирларда кўришгунча!

@xayrulla_hamidov

Бугун Чемпионлар лигаси чорак финал жавоб учрашувлари ўтказилади. Даражаси финалга тенг ПСЖ - Бавария қарама-қаршилигида савол очиқлигича қолмоқда. Бугун турнирни катта фаворитлардан бири тарк этиши аниқ. Меҳмонда 3:2 ҳисобида ғалаба билан қайтган ПСЖ қандай тактика қўллаши қизиқ. Мбаппе, Ди Мария ва Неймарлар ҳимояга қайтадими ёки ўз услубидан воз кечмайдими? Бавария бу масалада бош қотирмайди, факат олдинга, фақат ҳужумга. Дастлабки учрашувни ҳам шу шиор остида ўтказган. Уринишлар 3 баробар кўп, голлар биттага кам. Энг юқори интригага эга ўйин бугун 23:55 дан бошлаб UZREPORTTV жонли эфирда кўрсатади. Шарҳда @xayrulla_hamidov билан биргамиз.
Ёқимли томоша!

t.me/Davron_Fayziev

ПСЖ - Бавария учрашувининг энг яхши футболичиси - Неймар

t.me/Davron_Fayziev

Дастин Порье - Конор Макгрегор трилогияси расман тасдиқланди. Жанг 10 июль куни Лас Вегасдаги Т-Мобайл аренада 264-жанглар кечасида ўтказилади. Ва энг муҳими трибуналар мухлисларга тўлдирилишини президент Дэна Уайт эълон қилди. Тўғри, олдинда бизни кутаётган UFC 261 да ҳам мухлислар киради, лекин унда фақат аренанинг 50% тўлдирилади.

t.me/Davron_Fayziev

Бугун футбол

Пахтакор клуби Чемпионлар лигаси гуруҳ босқичи 2-турида Ироқнинг Air Force клуби билан учрашади. Бундан 2 йил авал 2019 йилда ушбу жамоалар плэй-оффда ўзаро ўйнашган ва Пахтакор 2:1 ҳисобида ғалаба қозонган. Ўша учрашув бошқа томони билан эсда қолган.
Иккинчи бўлим давомида Пахтакор стадионидаги чимни суғориш тизими ишлаб кетган. Нозосликни бартараф этиш ва сувни тўхтатиш учун анча вақт кетган. Натижада ҳакам ўйинга 24 дақиқа (!) қўшиб берган.

Эндиги учрашув Шаржада бўлиб ўтади. Биринчи турда ютқазган Ал Қувва Ал Жавиййа, яъни ҳаво кучлари жамоаси энди югуриб эмас учиб ўйнаши табиий. Уларнинг парвозини тўхтатиб, 3 очко олишга ўйлайманки Пахтакорнинг имкони етади. Икки йил аввалги суғориш ишлари бугун мева беришини кутамиз.

Осиё ЧЛ. Эйр Форс - Пахтакор
20:00 да UZREPORTTV Live
Биргаликда кўрамиз 🎤

t.me/Davron_Fayziev

Флик кетади, ким келади?

Бавария билан барча титулларни қўлга киритган Ханс-Дитер Флик мавсум тугагач клубдан кетишини маълум қилди. Гарчи у кетиш сабаблари орасида терма жамоани келтирмаган бўлса ҳам, айнан шуни режа қилаётганини тушуниш мумкин. Германия миллий жамоасига жонлантириш терапияси керак. Флик эса энг яхши номзод. Баварияни ҳам у деярли сочилиб кетаётган ҳолатда қабул қилган. Уёғини биласиз. Юрген Клинсманн бошлаб берган тизим ҳам бузилмайди. Клинсманн-Лёв-Флик. Германия учун энг зўр, Бавария нима бўлади? Бу ерда сал мураккаблик бор. Фликдан кейин ишлаш қийин бўлади. ТОП мураббийлар жамики совринлар ютган мутахассисдан кейин мавқеини туширмаслик учун Мюнхен таклифини қабул қилмайди. Демак, захирасида озгина вақти бўлган ёш мураббий талаб этилади. Шунда бирдан натижа талаб қилинмайди. Шу билан бирга амбициялари Баварияга мос тушадиган. Обрўли ва қатъиятли, чунки таркиб ўзгаради, янги даврга ўтилади. Бир сўз билан айтганда - Юлиан Нагельсманн. Мен бошқа вариант кўрмаяпман.

t.me/Davron_Fayziev

Жанглар тонги

UFC ўрта вазнида собиқ жаҳон чемпиони Роберт Уаттакер яна чўққига қайтмоқда. Лас Вегасдаги турнирда австралиялик жангчи ўзининг азалий рақобатчиларидан бири Келвин Гастелум билан курашди. Барча 5 раунд давомида Роберт доминантлик қилди. Турли услубда ишлади ва Гастелумга имкон қолдирмади.
Адесаньяга чемпионликни бой бергач Уиттакер учта кетма-кет ғалабани қайд этиб асосий даъвогарга айланди. Адесанья реванш беришга мажбур бўлади.

t.me/Davron_Fayziev