#Live The Best.
Баварияни фақат Клопп тўхтата олади шекилли. Йил мураббийи совринини Юрген илиб кетти. Флик олади деб ўйлагандим. Клопп ҳам муносиб. АПЛни ютди.

t.me/Davron_Fayziev

#Live The Best.
Роберт Левандовски 2020 йилда дунёнинг энг кучли футболчиси деб топилди!

t.me/Davron_Fayziev

Хабиб Нурмагомедов фаолиятини тугатган бўлсада, октагон ташқарисида совринлар қўлга киритишда давом этмоқда.
BBC “Спорт оламининг энг машҳур шахслари 2020” сўровномасини ўтказди. Хабиб Нурмагомедов бош номинация, яъни “Йилнинг спорт юлдузи” сўровида ғолиб чиқди. Унинг асосий рақобатчиси Формула-1 бўйича еттинчи бор жаҳон чемпионига айланган пойгачи Льюис Хэмильтон эди.

t.me/Davron_Fayziev

The Best сўровномасида кучли учликни Левандовски, Роналду, Месси ташкил қилганидан хабардорсиз. Уччаласи ҳам ўз терма жамоаси сардори. Демак, улар ҳам овоз беришган. Кимни танлашгани билан танишинг.
1.Левандовски танлови: Алькантара, Неймар, Де Брюйне.
2.Роналду танлови: Левандовски, Месси, Мбаппе.
3.Месси танлови: Неймар, Мбаппе, Левандовски.

t.me/Davron_Fayziev

Futbol-TV Студияси. 18 дек,2020.

• FIFA The Best сўровномасида кимга ва нима учун овоз берганим.
• Мураббий ва футболчилар холисми ёки журналистлар.
• Барселона ва Женоа ўйинлари бир вақтга тўғри келганига изоҳ.
• Арсеналга Венгерни қайтариш керак (Д.Файзиев), Артетадан бошқа вариант йўқ (Х.Ҳамидов).
• Реал Сосьедад қаергача боради?

Шу ва бошқа қизиқарли мавзуларда суҳбатлашдик. Кўрсатувни тўлиқлигича YouTube орқали кўришингиз мумкин.
Мана ссылка 👇🏼

https://youtu.be/zr3upqklpVYhttps://youtu.be/zr3upqklpVY


t.me/Davron_Fayziev

Геннадий GGG Головкин ўз камарларини ҳимоя қилди.

Проф бокс, ўрта вазн, IBF ва IBO чемпиони Геннадий Головкин польшалик енгилмас даъвогар Камил Шеремета билан жанг қилди. 7 раунд давомида GGG етакчилик қилди, 4 марта рақибини нокдаунга туширди. 7-раунд тугаганда эса Шеремета жангни давом эттиролмади. Геннадий Головкиннинг Канело билан тугалланмаган иши бор. Формадалигида Альварес билан трилогия ўтказиши керак.

t.me/Davron_Fayziev

Ливерпуль Англияда яна тахтга қайтиб олди. Амалдаги чемпион Тоттенхэмдан ўзаро ўйинда 1-поғонани тортиб олди. Жароҳатлар сериясидан иборат оғир давр ортда қолганга ўхшайди. Юрген Клопп бироз қоқилишдан сўнг туриб ўзини ва жамоаси ўйинини тиклаб олди. Кристал Пэласга қарши ўйинга у Йил мураббийи статусида чиқади. Темп олган Ливерпуль жуда ҳавфли.
Шундай бўлсада, АПЛ сюрпризларга бой чемпионат. Кристал Пэлас қаттиқ ўртаҳол инглиз клуби. Бошида аёр ва ақлли қари-тулки (яхши маънода) Рой Хожсон турибти. Лидер ролида Заҳа. Осон бўлмайди Клопп йигитларига. Оқшомни шу ўйин билан бошласак нима дейсиз? Ундай бўлса 17:30 да сизни Футбол каналида кутаман!

t.me/Davron_Fayziev

Ҳар йили шу бўлар такрор. Бир йил аввал Роналду Сампдорияга ўзининг машхур голини урганди. Бугун эса Пармага деярли такрорлади. Фарқи 1 йилу 1 кун. Air Ronaldo ✈️

t.me/Davron_Fayziev

Микель Артета бўйича ҳар хил гаплар юрибти. Юрадиямда. Арсеналнинг ўйинида на мазмун бор, на иштиёқ. Натижани гапирмаса ҳам бўлади. Венгер 4-ўринда барқарор юрганда OUT деб безор қилишди. Эндичи, Славен Билични чақиришмоқчи экан. Нима? Билич? Қандай ёрқин жамоа эди-я Венгернинг Арсенали...
#KroenkeOut

t.me/Davron_Fayziev

Сауль Канело Альварес навбатдаги ғалабани қайд этди.

Айни вақида вазн тоифасидан қатъий назар дунёнинг кучли боксчиларидан бири Канелонинг бу сафарги рақиби Каллум Смит бўлди. Альварес ўрта вазнда WBA чемпиони, Смит суперўрта тоифада шу камар эгаси эди. Жанг шунингдек суперўрта вазннинг WBC вакант камари учун кечди. 12 раунд тўлиқ ўтди. Барча аспектларда тотал устунлик Канело Альварес томонида бўлди. Якунда ҳакамларнинг карталарида ҳисоб 119-109, 119-109, 117-111 Сауль фойдасига. P4P рейтинги лидери ўз позициясини муваффақиятли ҳимоя қилди.

t.me/Davron_Fayziev

Аввал Тоттенхэм қуВАРДИ, энди очколар СОНи Лестерда камроқ.

14-тур бошланиш олдидан Тоттенхэм ва Лестер 2-3 ўринларда кетишаётганди. Кеча Эвертон ғалаба қозониб иккисидан ҳам ўтиб кетди. Аввалги турда иккиси синхрон равишда мағлуб бўлишди. Шуларни инобатга олсак бугун ортга йўл қолмаяпти. Барибир кичик фаворит Тоттенхэм бўлса керак. Чунки Кейин ва Сон дахшат формада. Лестер шунақасидан битта. Варди! Топ клублар ўзаро тўқнашмаган турда, позиция нуқтаи-назаридан марказий ўйин шу бўлса керак. Жозе Моуриньо ижтимоий тармоқларни яхши ўзлаштирди ва ёндирмоқда. Менга ўйиндан кейин инстаграмда қандай пост чиқариши қизиқ. Бугун 19:15 га режангиз бўлмаса Футбол каналида кўришамиз.

t.me/Davron_Fayziev

Бугун Эйбар клуби ўз майдонида Реал Мадридни қабул қилади. Эйбар таркибига ушбу ўйин учун ўринбосарлар жамоасидан Унаи А жалб қилинган. Футболкасига шундай Унаи А ёзилган. Аслида у Ла Лиганинг энг узун фамилияли футболчиси. 19 ҳарфдан иборат бу фамилияни бир уринишда ўқиб кўрингчи, мана - Ариеталеанисбеаоскоа. Тўғри ёздим деб умид қиламан. Мабодо майдонга тушиб қолса ўйинни шарҳлайдиган Хайрулла ака Ҳамидовга қийин бўлади)

#УнаиАриеталеанисбеаоскоа

t.me/Davron_Fayziev

Ўзбекистоннинг 2020-йилдаги энг яхши футболчиси ва мураббийи журналистлар ўртасида сўровнома орқали аниқланмоқда. Дастлабки натижаларга кўра номзодлар орасида кучли учликлар 👇🏼

Йилнинг энг яхши футболчиси соврини учун номзодлар учлиги:

Элдор Шомуродов
Жалолиддин Машарипов
Ойбек Бозоров

Йилнинг энг яхши мураббийи соврини учун номзодлар учлиги:

Вадим Aбрамов
Миржалол Қосимов
Рўзиқул Бердиев

t.me/Davron_Fayziev

Биласиз, Испания чемпионати УзРепорт тв ва Футбол тв орқали лицензион трансляция қилинмоқда. Шу сабабли, Ла Лига Ўзбекистонга бағишланган ролик суратга олди. Унда пойтахтимиз Тошкент шаҳри тасвирланган. Бош ролда эса Жалолиддин Машарипов. Видео Ла Лиганинг расмий саҳифаларида намойиш этилди. Сиз ҳам томоша қилинг.

t.me/Davron_Fayziev

Конор - Порье 2 жангига 1 ой қолди.

UFC томонидан 2021 йилнинг биринчи рақамли турнирига 1 ой қолиши муносабати билан янги постер чиқарилди. 257-турнирнинг асосий жанги Конор Макгрегор - Джастин Порье ўртасидаги реванш бўлади. Жанг Абу Дабида ўтказилади. Конор биринчи бор жанглар оролига боради. У ердаги матбуот анжунларига вискиси билан аниқ киритилмайди.

t.me/Davron_Fayziev

Ливерпуль кейинги ўйинга жиддий тайёргарлик кўрмоқда ;) Кунни табассум билан тугатинг.

t.me/Davron_Fayziev

Шомуродовнинг рақобатчиси кетиши мумкин.

Женоа хужумчиси Жанлука Скамакка бўйича бир қанча клублардан таклифлар тушмоқда. Скамакка асли Сассуоло клубига тегишли, Женоада эса ижарада ўйнайди. Агар Сассуолога яхши таклиф тушса, Женоа ижара шартини тугатишга қарши эмас. Скамаккага Рома, Фиорентина, Милан, Интер каби клублар қизиққан. Трансфер нархи эса 20 миллион евро деб баҳоланмоқда. Скамакка айни вақтда жамоада Элдор Шомуродов учун хужумда рақобатчи ҳисобланади.

t.me/Davron_Fayziev

Англияда португалча баҳс.

АПЛ учун 1 ҳафта бу катта муддат. Айнан шунча вақт Тоттенхэмнинг 1-ўриндан 7-поғонага тушиб кетиши учун етарли бўлди. Моуриньо ғазабда. Рақобатчилар унинг янги формуласини ечиб қўйишди. Кейн ва Сон ўртасига девор тортишди. Кейн 10 та ассистидан 8 тасини Сонга узатганини билиб қолишди. Жозе тушуниши керак, битта ихтиронинг кучи билан энди мавсум қаҳрамонига айланиб бўлмайди. Ҳар ой янгилик киритган мураббийларгина узоққа бораяпти. Бугун Тоттенхэм ютқазса 2012 йилдан бери биринчи бор АПЛнинг қаторасига учта ўйинида ютқазган бўлади.

Моуриньо бахтига унинг ҳамюртларидан иборат жамоа бўлмиш Вулверхэмптон ҳам ёруғ кўча тополмай қолган. Ўйиндаги инқироз + лидернинг жароҳати. Бўрилар эса етакчисиз олдинга юролмайди. Сўнгги 4 учрашувнинг 3 тасини Вулвс ютқазди. Патрисиу 7 ўйиндан бери дарвозасидан гол олиб чиқади. Англия футболидаги португаллар шиддати сўнгандек.

Ортга чекина олмайдиганлар жангини томоша қилишни хоҳласангиз 00:15 да сизни Футбол каналида кутаман.

t.me/Davron_Fayziev