ОЛТИН!!! Токио-2020. Ўн биринчи кунги натижаларимиз.

• Ваниҳоят ОЛТИН медаль! Оғир атлетика. 109 кг. Акбар Жўраев 430 кг вазн қайд этиб Олимпия чемпионига айланди! Қойил, табриклаймиз! 21 ёшли чемпион! Узоқ кутилган ғалаба! Рекорд!!!

• Енгил атлетика. Уч хатлаб сакраш. Руслан Курбанов ҳеч бир уринишида керакли масофани қайд этолмай мусобақа билан хайрлашди.

• Бокс. 52 кг. Шаҳобиддин Зоиров чоракфиналда филиппинлик Карло Паалам билан жангнинг иккинчи раундда Зоировнинг қоши ёрилди ва унга техник мағлубият ёзилди.

63 кг. Элнур Абдураимов эса яримфинал йўлланмаси учун арманистонлик Ованес Бачков билан жанг қилди ва очколар бўйича мағлубиятга учради.

Аёллар. 60 кг. Райхона Қодирова бразилиялик Беатрис Ясминга қарши яхши кураш олиб борди. Бироқ Беатриснинг зарбалари аниқроқ деб топилди ва Қодирова юришини тўхтатди.

• Юнон-рум кураши. 87 кг. Рустам Ассакалов биринчи баҳсда ғалаба қозонди. Иккинчисида хорватиялик Иван Хуклекка ютқазди ва Олимпия медалисиз қолди.

t.me/Davron_Fayziev

Элдорнинг Рома билан имкониятлари ҳақида яхши мақола ўқидим.

Жозе Моуриньо ишлаган клубларда ҳужумчилардан талаб қилган жиҳатлар таҳлили, португалияликнинг янги жамоасида ҳамюртимиз ўрни қандай бўлиши борасидаги фикр, журналистикамиз учун ноодатий ракурсда ёзилиш услуби ана шу мақоладан жой олган. "Бўрилар тўдасидаги ўзбек! Ёхуд Ромада Шомуродовни нима кутмоқда?” деб номланган материални ўқиш учун бу ерга кирасиз https://t.me/sports_uz/79515.  
Қолаверса, SPORTS.uz сайтида тезкор, ҳолис, аниқ янгиликлар воқеа жойидан ёритилади, спортчилар, жумладан футболчилардан интервьюлар бериб борилади.

Мавсумнинг энг бардошли футболчиси - Педри

Суратда чап тарафда 2020 йил ёзидаги Педри, ўнг томон 2021 йил ёзидаги Педри. Бир йилда чарчаб тинкаси қуриган. Барселона сафида оғир мавсум ўтказди ва 3 та турнирда иштирок этди. Кейин Испания термаси билан Еврода қатнашди, асосий таркибда ўйнади. Тугаши билан Олимпиадага йўл олди. Финалга чиқди. Унинг мавсуми август ойигача давом этмоқда ва ҳали тугагани йўқ. Умумий 72 ўйин. Ва гап 18 ёшли футболчи ҳақида кетмоқда. Шубҳасиз уни катта келажак кутяпти. Лекин ҳозирча Барселона унга камида сентябргача дам бериши керак.

t.me/Davron_Fayziev

#TAVSIYA#TAVSIYA

🇺🇿 | "Eldor Shomurodov jamoasi 🇮🇹Roma" klubining O'zbekistondagi eng katta kanali ishga tushdi.😎

🔴 | Barcha 🇺🇿"Eldor Shomurodov" muxlislarini kanalga taklif qilamiz.

🗞 | 🇮🇹 Roma klubidagi barcha xabarlar va yangiliklar ushbu kanalda!👇
https://telegram.me/joinchat/AAAAAFg5odrN8d6bfexEyghttps://telegram.me/joinchat/AAAAAFg5odrN8d6bfexEyg

Телеграм каналимиз ҳам расмий мақомга эга бўлди ☑️

Албатта ҳурсандман, чунки, 1 ярим йил давомида каналнинг сиз азиз мухлисларга қизиқарли ва фойдали бўлиши учун астойдил ҳаракат қилиб келяпмиз.
Бундан кейин ҳам шу канал сизнинг қизиқишингизга мос келишига, ортиқча маълумотлар билан чалғитмаслигига, фақат фактларга таяниб, ўзимнинг шахсий муносабатим ва услубимни сақлаган ҳолда юритишга интиламиз.

Сизнинг ишончингиз ва эътиборингиз мен учун доим биринчи даражали масала бўлиб қолади. Катта раҳмат, дўстлар!

Шарҳловчингиз, @Davron_Fayziev

Баҳодир Жалолов финалда! Британиялик Кларк билан жанг зўр ўтди. Битта кучли зарба ўтказганига қарамай Баҳодир иккита раундда ҳам очколар бўйича устунлик қилди. Кларк жароҳати сабаб курашни давом эттира олмади. Жалолов ҳақли равишда финалга чиқди. Табриклаймиз ва албатта олтин кутамиз! Let’s go Big Uzbek ✊🏼

t.me/Davron_Fayziev

​​Токио-2020. Ўн иккинчи кунги натижаларимиз.

• Бокс. +91 кг. Баҳодир Жалолов финал йўлланмасига эга бўлди. Британиялик Фрейзер Кларк учинчи раундда жароҳати сабаб жангни давом эттира олмади. Унгача очколар бўйича Жалолов устунликка эга эди. 8 август куни финалда боксчимиз америкалик Ричард Торрес билан жанг қилади.

• Енгил атлетика. Кўпкураш. Екатерина Воронина 7 йўналишдан тўрттасини ўтказди. 100 метрга тўсиқлар оша ва 200 метрга югуриш, баландликка сакраш ва ядро улоқтиришда умумий 3588 очко йиғди. Онлайн жадвалда 20-поғонани банд этиб турибти ва эртага яна уч йўналишда баҳсни давом эттиради.

• Эркин кураш. 87 кг. Биринчи босқичда Жавраил Шапиев эронлик Ҳасан Язданига мағлуб бўлди. Рақиби финалга чиқди ва курашчимизга эртага бронза медали учун курашиш имконини берди.

• Эркин кураш. 57 кг. Ғуломжон Абдуллаев илк баҳсда хитойлик Лиуни ютди. Чоракфиналда россиялик Завур Угуевга ютқазди. Угуев финалга чиқди ва Абдуллаев ҳам эртага бронза учун курашадиган бўлди.

• Каноэ. 200 метр. Яккалик. Нилуфар Зокирова чоракфиналда 6-натижани кўрсатди ва яккаликдаги иштирокини тугатди.
Дилноза Раҳматова чоракфиналда гуруҳида учинчи бўлди. Фотофиниш сабаб иккинчи натижа ва яримфиналдан маҳрум бўлди.
Иккала каноэчимиз энди жуфтликда иштроок этишади.  

t.me/Davron_Fayziev

100 yil avval bo'lib o'tgan voqealarni suratlar yordamida yoritib boruvchi O'tmishga sayohat kanali topildi! Shoshiling juda ajoyib kanal ekan!

Siz uchun faqat eng yaxshilari!

Месси Каталонияга қайтди. Янги шартнома имзолашга ҳаракат бошланибти. Маълум қилинишича, келишув 2026 йилгача бўлиши кутилмоқда. Яқин вақт ичида расмий маълумотлар чиқса керак.
Бошқача бўлиши мумкин ҳам эмасди. Лапорта даврида эмас. Бу иттифоқ Барселонада ҳали анча ишлар қилади.

t.me/Davron_Fayziev

Ёзнинг энг катта трансферларидан бири ҳал бўлмоқда. Англия терма жамоаси футболчиси Джек Грилиш Манчестер Сити футболчисига айланади. Трансфер нархи 100 миллион фунт атрофида. Шартнома 2026 йилгача имзоланади. Астон Вилла маблағни қабул қилди деб айтишмоқда инсайдерлар. Яқин вақт ичида расмий маълумот чиқади. Грилиш бугунги кунда Англиянинг энг истеъдодли футболчиларидан бири ҳисобланади. Унга деярли барча топ клублар қизиқди. Сити эса энг яхши таклифни берди. Пеп коллекциясига яна бир юлдуз.

t.me/Davron_Fayziev

​​Вакцина олганим ҳақида.

Бу мавзуда ёзиб ўз тажрибам билан бўлишгим келди. Балки менга ўхшаш ҳолатдагиларга фойдаси тегар. Вакцина масаласида бир ойдан бери кузатув режимида эдим. Олганлар билан гаплашиб, мақолалар ўқиб, шифокорлардан фикр олиб юрдим. 2020 йил сентябр-октябрда ковидни оғир ўтказганман. Экспомарказ ва Вирусологияда даволаниб чиққанман (ўша ердагиларга яна бир бор раҳмат). Демак бир ойдан кейин бир йил бўлади. Жуда кўпчиликдан эшитяпманки коронавирус роппа-роса бир йилдан кейин қайта юқяпти. Антителамни текширдим. Бор, аммо кам, айнан 1 йил бўлишига тугайдиган. Демак, бир ойдан кейин чиқадиган антитела учун ҳозир вакцина олишим керак. Журналистлардан доим хабар олиб турадиган укамиз (АОКА мутахассиси) Аҳмад Юсупов қўнғироқ қилиб, поликлиникаларда moderna вакцинаси билан эмалашаётганини айтиб, боришга тарғиб қилди. Шифокоримку аллақачон олинг деб бўлганди. Ҳуллас бордим ва модерна билан эмландим. Тунда озгина иссиғим чиқди. Эртасига ҳам давом этди. Кўп суюқлик ичдим, дори ичмадим. Қўлим ҳам оғригани сабаб иккинчи куни ухлаш олдидан битта дори ичдим. Шу билан яхшиланиш бошланди. Учинчи кун озгина ҳолсизликни айтмаса деярли ўтиб кетди ҳаммаси. Вакцина қилган шифокор ҳар куни хабар олиб турди. Ҳаммага таъсир қилиши ҳар хил. Мен билан бир кунда олган кўп танишимда умуман ўзгариш бўлмади. Вакцина олиш ўта индивидуал қарор. Лекин, кўпчилигимиз маска тақиш ва масофа сақлашга кўпам эътибор бермаяпмиз. Атрофда эса касаллар жуда кўп. Ҳимояланмаяпмиз. Иккита йўл қолади, касалликни ўтказиш ёки вакцина. Ишонинг, касал бўлиш жуда катта таваккалчилик. Шу сабаб вакцина ягона тўғри йўл дейилмоқда. Мен ҳам шахсий ўрганиш натижасида шу фикрга келдим. Сизга албатта олинг деёлмайман, чунки врач эмасман. Ҳолатингизга қаранг, керак бўлса текширув ўтказинг, вакцинани ва ўз организмингизни ўрганинг. Шундан кейин медицина томондан тўсиқ бўлмаса ва тарознинг нариги томонида вакцинага қарши фақатгина телеграмдаги аудиолар турган бўлса, унда борингда эмланинг. Ҳаммага саломатлик тилайман!

t.me/Davron_Fayziev

Афсонавий мураббий Луи ван Гал ишга қайтмоқда. У 2016 йилдан бери мураббийлик фаолияти билан шуғулланмаётганди. Маълумотларга кўра ван Гал Нидерландия терма жамоаси бош мураббийи сифатида таништирилиши кутилмоқда. Бундан аввал ҳам мутахассис икки бор терма жамоани бошқарган.

t.me/Davron_Fayziev

Неймар таланти ва техникаси бўйича дунёда энг кучлидир. Лекин ҳаётига доим сояда бўлиш қисмати битилган. Ҳа, балки шу даврда ўйнаётгани учундир. Бошқа томондан, сабабни фотода кўриб турибсиз.

#меҳнат #профессионализм

t.me/Davron_Fayziev

Германия терма жамоасининг собиқ футболчиси Михаэль Баллакнинг 19 ёшли ўғли Эмилио автоҳалокат натижасида вафот этгани хабар қилинмоқда. Воқеа Португалияда рўй берибти.

t.me/Davron_Fayziev

Davron Fayziev - "Booknomy" kitoblari xaqida gapirdi.


www.booknomy.uz www.booknomy.uz

+998712030071+998712030071

Bizni ijtimoiy tarmoqlar orqali kuzatib boring!

Telegram  | Instagram | Facebook | YouTube

​​Токио-2020. Ўн учинчи кунги натижаларимиз.

• Енгил атлетика. Баландликка сакраш. Светлана Радзивил саралаш баҳсларида ўз иштирокини тугатди.

Сафина Садуллаева эса 1.95 метр баландликка сакраб, 7 август кунги финал йўлланмасини қўлга киритди.

• Эркин кураш. 86 кг. Жавраил Шапиев Стефан Ричмутни 5:2 ҳисобида енгди. Аммо бронза учун россиялик Артур Нифоновга ютқазиб қўйди.

57 кг. Ғуломжон Абдуллаев бронза медаль учун юришини биринчи беллашувнинг ўзида тўхтатишга мажбур бўлди, 1:11.

74 кг. Бекзод Абдураҳмонов 10:0 ҳисобида Франклин Гомесни мағлуб этди. Аммо иккинчи баҳсда россиялик жаҳон чемпиони Заур Сидаковга мағлуб бўлди. Сидаков финалга чиқиб, Бекзодга эртанги бронза учун баҳсга йўл очиб берди.

• Замонавий бешкураш: Алисэ Фахрутдинова ҳамда Александр Савкин бугун дастлабки йўналиш бўлмиш қиличбозлик бўйича баҳслар ўтказишди. Фахрутдинова 22-поғона, Савкин эса 36-поғонани банд этиб туришибти. Эртага бошқа турларда давом эттиришади.

• Кўпкураш. Екатерина Воронина ўз иштирокини 12-ўрин билан тугатди. У тўплаган 6298 очко медаллар учун етарли бўлмади.

t.me/Davron_Fayziev

Месси кетяпти. Ишониш қийин, аммо ростга ўхшамоқда. Лео ва Барселона клуби ўртасида гарчи келишувга эришилган бўлса ҳам Ла Лига қоидаларига тўғри келмас экан. Кейинроқ батафсил тўхталаман. Ҳозирча шок ҳолати.

t.me/Davron_Fayziev

Месси учун ПСЖ асосий вариантлардан бири. Сўровнома ҳам шуни тасдиқлади. Демак, кечаги ашаддий қаршилик эртага самимий дўстликка айланиши мумкин.

t.me/Davron_Fayziev