У Дзісне, самым маленькім горадзе Беларусі, намалявалі мурал з партрэтам мастака Язэпа Драздовіча. Карціна з'явілася на сцяне двухпавярховага будынка па адрасе Юбілейная, 27.

Эскіз графіці стварыў стрыт-артэр Алесь Kontra, а распісаў мур ягоны калега Яўген Сасюра. Дапамогу мастакам аказалі Мёрскі райвыканкам у партнёрстве з грамадскай арганізацыяй «Ахова птушак Бацькаўшчыны» (АПБ) і Латвійскім сельскім форумам, праект фінансуецца Еўрапейскім саюзам.

🌅 @tropinki

Сядзібны дом 19 ст графа Патоцкага ў Беразіно аддаюць задарма

Некалькi фактаў

* пасля рэвалюцыі тут размяшчалася школа, потым склад. А з 1980-х, будынак паступова прыходзіў у заняпад.
* у 2011 г. будынак выкупляў менскi iнвестар за $13100.
* па першаму праекту рэстаўрацыя ацэньвалася каля $800 тыс, а па другому праекту ўжо $1 млн. У праектаў розны падыход да матэрыялаў даху, вiда вокнаў i iншых элементаў.

А цяпер падрабязней

Тут планавалі адкрыць гатэль, кафэ, паляўнічую залу. Iнвестара абавязалі ажыццяўляць бiзнэс-дзейнасць мін. 5 гадоў і стварыць не менш за 10 працоўных месцаў. Агаварылі і тэрміны рэалізацыі праекта - да 2015 года, на гэты перыяд яму было забаронена прадаваць будынак або адчужаць яго.
Суму фірма заплаціла ў бюджэт, але далей справа не пайшла. Прадстаўнікі кампанii патлумачылі тым, што дом першапачаткова набывалі для нашчадка роду Патоцкіх, але той нябыта неўзабаве памёр, не паспеўшы пералічыць сродкі на дальнейшую рэстаўрацыю. Па выніку будынак вярнулі назад дзяржаве.

🏰 @tropinki

Праекты на аднаўленню будынка Мінскага гарадскога летняга тэатра на тэрыторыі Губернатарскага сада пасля пажару 1906 г.
(Адшукана Уладзімірам Дзянісавым).

📜 @tropinki

У Менску на тэрыторыі былога завода імя Рыгора Арджанікідзэ знеслі радавы помнік Рыгору Арджанікідзэ.

У 1960 году на менскім заводзе па вытворчасці электронных вылічальных машын было прысвоена імя Рыгора Арджанікідзэ, а праз некалькі гадоў на тэрыторыі прадпрыемства быў усталяваны помнік у гонар бальшавіцкага правадыра. Аўтарам скульптуры стаў завадскі мастак Дзегцяроў, які зрабіў прыкладную копію арыгінальнай скульптуры 1937 году.

Не так даўно тэрыторыя завода была прададзеная тром прыватным інвестарам, у тым лiку знакамiтаму забудоўшчыку «Тапас». Сёння помнік знеслі, а яго рэшткі ўжо паспелі вывезці.

🏛️ @tropinki

Полацак. Скрыжаванне сучасных вуліц Замкавы праезд і Еўфрасінні Полацкай.

1944 г / 2021 г (фота: Вадзім Цітоў)

🏛 @tropinki

Учора з'явілася навіна аб тым, што ў Менску знеслі помнік Арджанікідзэ, а ўжо сёння стала вядома, што гэта мерапрыемства не ўзгаднiлi дзе трэба, таму помнік адновяць і вернуць.

У «Тапасе» распавялі, што скульптуру ўсё ж адрэстаўруюць ў бліжэйшы час. Яе ачысцяць ад плям, ліквідуюць драпіны, сколы.

- Асобныя часткі помніка будуць злучаныя ў адзіную кампазіцыю з дапамогай адмысловага клея, затым скульптуру адпаліруюць і адновяць. Рэстаўрацыйныя работы будуць праводзіцца за кошт забудоўшчыка, - растлумачылі ў кампаніі.

🏛 @tropinki

«Каталіцкі змагар», старажытны «пэвэтэшнік» і сябар французскага караля. Onliner распавядае пра беларускага рэфарматара Мікалая Радзівіла Сіротку

Сайт «Брэсцкай газеты» напісаў пра цікавы матацыкл, які з'яўляецца копіяй байка раней iснуючай у міжваенны час у Горадне мота-веласіпеднай фабрыкі «Nieman» і ствараўся для рэканструкцыі гістарычных падзей.

Варта дапоўніць, што ровары гэтай фабрыкі таксама знайшлі водгук у сэрцах калекцыянераў-рэканструктараў і якім прысвечаны праект «Беларускi ровар».

🏍 @tropinki