Бесплатно скачайте Альбом ASIRI NIGOH /  Download ASIRI NIGOH Album for Free / دانلود آلبوم ASIRI NIGOH به صورت رایگان  https://niginamusic.net/discography/asiri-nigoh/

Дили ман нест чу обе, ки ба ҳар ҷӯй давад,
Дили ман нест насиме, ки ба ҳар сӯй давад.
На чу овора ба ҳар ҷо ба такопӯй давад,
Лек, чун ҳусни туро дид, бирафт аз паи ту.

Дили ман на чу ниҳолест, ки пайванд кунанд,
Кӯчаташ карда ба ҳар ҷову самарманд кунанд,
Ё ки беҳуда паи сӯхтан аз ҷой кананд.
Дили ман меҳрпараст аст, садоқат дорад.

Дил, ки ҷӯшид зи ишқу талаби васл намуд,
Зи ман осудагиву хоби ҷавонӣ бирабуд.
Боз субҳ омаду чашмони хуморӣ бикушуд,
Дар сари субҳи сафобахш туро дид дилам...

Баъд бо номи ту чун рӯзи муҳаббат сар шуд,
Раҳи сарбаста зи ту шоҳраҳи дигар шуд,
Ишқ бо ёди рухат ҳамқадами кишвар шуд,
Дилам аз марҳаматат шаҳпари шаҳбоз гирифт.

Гар ки ман ҷумла санамхонаи олам кобам,
Натавонам ки дигар мисли ту дилбар ёбам.
Ханда кун, ёр, ки аз васли ту ман шодобам.
Хандае нест ба монанди шакархандаи ту.

Лоик Шерали

ХУДОҶОН, АЗ БАЛО МОРО НИГАҲ ДОР!
Худоҷон, аз бало моро нигаҳ дор,
Замину осмонҳоро нигаҳ дор.
Балорову ваборо дур андоз,
Тамоми пиру барноро нигаҳ дор.
Бимон, фарзанди одам рӯз бинад,
Навонав насли фардоро нигаҳ дор.
Ман ин ҷову ҷигарбанди ман он ҷост,
Ту ин ҷорову он ҷоро нигаҳ дор.
Замин чун гавҳаре рӯи кафи туст,
Ту ин лӯълӯи лолоро нигаҳ дор.
Худо гӯянд акнун бехудоён,
Ки, ё Раб, тоқи миноро нигаҳ дор.
Ба Наврӯзи нав овардӣ ҷаҳонро,
Баҳори тозаэҳёро нигаҳ дор.
Бани Одам якаъзо мешавад боз,
Ту ин пайванди зеборо нигаҳ дор.
Бароям Тоҷикистон тоҷи дунёст,
Худоҷон, тоҷи дунёро нигаҳ дор.
Суман нуру чаман нуру ватан нур,
Ту ин нури Таъолоро нигаҳ дор!

Устод Фарзонаи Хуҷандӣ

Эй ҷураи ҷон бе ту ҷаҳонро чӣ кунам ёр
Бе ту гули сурхи арғубонро чӣ кунам ёр

Ё сухани зебо бигӯ ва ё зебо хомӯш бош...
Нишонаи як инсони зебо, ин аст, ки ҳамеша зебоии дигаронро мебинад...

Рӯзҳои баҳориатон хуш бод!

Нигина Амонқулова ва шоира Меҳриниссо!

Мы похожи с Довуджоном?

Зиндагӣ бепарвост
Зиндагӣ бепарвост…
Зиндагӣ мехобад рӯзу шаб ором – ором,
Аммо умри якрӯзаи гуле дар даруни гулдон мерасад бар фарҷом
Ман намехобам.
Ман ба гӯши гулҳои кавкабу довудӣ сухане дорам
Ман ба гӯши паррандае, ки дар анбуҳи биҳӣ ошиқона бол мезанад, сухане дорам
Ман ба гӯши вассаҳои болор,
Ман ба гӯши танҳоӣ сухане дорам
Ман ба гӯши ту …
ба гӯши ту...
(Фарзонаи Хуҷандӣ)
#niginamusic @niginamusic

Вступайте в сообщество Nigina Amonqulova https://invite.viber.com/?g2=AQBg7jCgmDtwwEi24zvPsdNNZSScO%2F6O8Hj6h11qWGf1fCnOGpWvfiTuwl819KRz в Viber