Рӯзе ба қадрам мерасӣ, рӯзе , ки дигар нестам, То мекунӣ шеъри маро як рӯз аз бар, нестам. Дунё бидуни ишқи ту дар чашми ман беарзиш аст, Ман бе хаёли рӯи ту дар баҳру дар бар нестам. То ошёни чашми ту манзилгаҳи ишқи ман аст, Ман бо ҳама нодорамӣ бебому бедар нестам. Бо суръати тири нигоҳ аз роҳу бераҳ, ҷони ман, Пар мекашидам сӯи ту, ҳайфо, кабутар нестам. Дар гарму сарди зиндагӣ ҳамроҳу ҳамрози туям, Бесӯ намонам пои худ, марди қаландар нестам! Як лаҳза бар сар бурданам бе рӯи ту номумкин аст, Эй маънии ҳастии ман, ҷуз бо ту ҳампар нестам!

Нигина Амонкулова Регистан Самарканд Узбекистан

Нигина Амонкулова Регистан Самарканд Узбекистан

там там официальный канал Нигины Амонкулова https://tt.me/niginamusic

Бар решаи дил теша мазан, хамсафари ман, Як бори дигар боз масўзон чигари ман. Эхсоси мухаббат дигару фикри ту дигар, Дурдона мачў хар нафас аз чашми тари ман.

Сафои шеър мерасад зи табъи ноз-нозиям,
Ба бозӣ, оҳ.., мекушад ҳавои ишқбозиям.

Бунафшаҳои лоҷвард саломи сабз медиҳанд,
Ягонаи дили маро ба маҳзи дилнавозиям.

Ниёзманди хастаро ба шаҳри ишқ мебарад,
Дили ҳамешаошиқам, садоқати намозиям.

Агар тарона хостӣ ба чашми рӯшанам нигар,
Ки нози ғусса мекашад, сазои бениёзиям.

Магар гуноҳи ту набуд дурӯғи ман ба зиндагӣ,
Гаҳе ки мегудозиям, гаҳе ки менавозиям?

Бибин ғаме, ки мекашам, насибаам зи ишқи туст,
Насибаи ту ҳар даме дуъои чорасозиям.