АЗ ТУРНАҲОИ РАФТА...
Рафтиву аз дилам ҳаваси сад баҳор рафт,
Пойиз шуд, ҳавсалаи гулнигор рафт.
Рафтиву бод дасти вафо бар сарам ниҳод,
Армони ишқ аз лаби фурсатшумор рафт.
Рафтиву дар сукути ғамат ин дилам шикаст,
Мурғи умеди шохаи сабзи чанор рафт.
Бори гуноҳи дил ба сари чашм бор шуд,
Субҳе, ки чашм пушти ту беихтиёр рафт.
Шармандаам, бе ту намурдам барои ту,
Ҳарчанд, ки дил бе ту ба кунҷи мазор рафт.
Аз турнаҳои рафта бипурсам суроғаат,
Ҳамболи турна о, ки зи дастам қарор рафт.