“1 декабрь Бутунжаҳон ОИТСга қарши кураш куни” муносабати билан Ўзбекистон Соғлииқни сақлаш ходимлари касаба уюшмасининг Навоий вилояти кенгаши, Вилоят ОИТС маркази мутахассислари ва ҳамкор ташкилотлар иштирокида ОИВ инфекциясининг профилактикаси, юқиш йўллари ва эпидемиологияси бўйича вилоятда тарғибот тадбирлари ўтказилиб, ОИВ инфекция профилактикаси борасида эслатма ва брошуралар тарқатилди.

«Ватанга хизмат - Олий фазилат» шиори остида ёшлар билан учрашув бўлиб ўтди
          Ҳар бир жамиятнинг, унда яшайдиган инсонларнинг тақдири ва келажаги албатта мамлакатнинг эртанги тараққиётини белгилаб берувчи етакчи кучлари ҳисобланмиш ёшлар тарбияси билан чамбарчас боғлиқдир.
        Юртимизда ёшларнинг интеллектуал ва ижодий салоҳиятини мустаҳкамлаш, уларнинг мамлакатимизда амалга оширилаётган ислоҳотларга дахлдорлигини ошириш борасида улкан ишлар олиб борилмоқда. Зеро, замонавий билим ва кўникмаларга эга, мамлакатнинг муносиб келажаги учун жавобгарликни ўз зиммасига ола биладиган баркамол, мақсадга интилувчан ва серғайрат ёшларни тарбиялаш бугуннинг энг муҳим вазифаларидан биридир.
         Ўзбекистон Республикаси Президентининг ёшлар маънавиятини юксалтириш ва уларнинг бўш вақтларини мазмунли ташкил этиш бўйича бешта муҳим ташаббуси ва 2021 йил 22 ноябрдаги Ф-4 фармойиши  ҳамда  Ўзбекистон Республикаси мудофаа вазирининг тарбиявий ва мафкуравий ишлари бўйича ўринбосарининг 2021 йил 26 ноябрь кунидаги № 14/3329  сонли чора – тадбирлар дастурига  асосан жорий йилнинг 1 декабрь кунида вилоят кенгашининг мажлислар залида ҳамкор ташкилотлар иштирокида  "Ватанга хизмат-Олий фазилат" шиори остида семинар ташкил этилди.
       Унда вилоят Мудофаа ишлари бошқармаси ходимлари ва фахрийлари, 99451, 7532, 7259 ҳарбий қисм ҳарбий хизматчилари, касаба уюшмаси фаоллари ва ёшлари, Навоий шаҳридаги 7-сонли умумтаълим мактаб ўқувчилари, вилоят ҳокимлиги ҳарбий маъмурий сектор раҳбари маслаҳатчиси, вилоят Мудофаага кўмаклашувчи “Ватанпарвар” ташкилоти ходимлари, вилоят ёзувчилар уюшмаси раиси иштирок этди.
         Тадбирни Вилоят Кенгаши раисининг ўринбосари Нормурод Исоков очиб берди. Шундан сўнг ҳамкор ташкилотларнинг раҳбар ва масъуллари томонидан маърузалар қилинди. Ёшларни миллий ғоя ва Ватанга садоқат руҳида тарбиялаш, уларнинг қалби ва онгига Ватан ҳимояси шарафли ва муқаддас бурч эканини чуқур сингдириш лозимлиги таъкидланди.
          Тадбир сўнггида ижодкор ёшлар томонидан “Ватан”  ва “Тинчлик” ҳақида шеърлар ўқилди.

Ўзбекистон касаба уюшмалари Федерациясида Шарофат Нориева раҳбарлигидаги “Гулчи опа томорқа хизматлари” МЧЖ Кластерининг кооперация усулидаги тадбиркорлик тажрибасини  оммалаштириш ва Республиканинг барча ҳудудларига татбиқ этишга бағишланган йиғилиш бўлиб ўтди.
Батафсил

В Федерации профсоюзов Узбекистана состоялось заседание, посвященное распространению и внедрению во всех регионах республики предпринимательского опыта по методу кооперации Кластера ООО “Гулчи опа томорка хизматлари”, возглавляемого Шарофат Нориевой.
Подробнее

🌍 web-site | facebook | telegram

Ўзбекистон Республикаси Президентининг 2018 йил 20 июндаги “Протез-ортопедия буюмлари ва реабилитация техник воситаларини ишлаб чиқаришни ривожлантириш ҳамда тиббий-ижтимоий муассасаларнинг моддий-техника базасини янада кучайтириш чора-тадбирлари тўғрисида”ги ПҚ-3787-сонли қарорига мувофиқ  “3-декабр -Халқаро ногиронлиги бўлган шахслар куни” ҳар йили Республикамизнинг барча ҳудудларида юқори савияда ўтказилиши анъанага айланган.

2-декабр куни  Навоий вилоят  Тиббий-ижтимоий хизматларни ривожлантириш бошқармаси, Ўзбекистон Соғлиқни сақлаш ходимлари касаба уюшмасининг Навоий вилояти кенгаши ҳамда туман Тиббий-ижтимоий хизматларни ривожлантириш бўлими ташаббуси билан “3 -декабр Халқаро ногиронлиги бўлган шахслар куни” ҳамда меҳр-мурувват ойлиги муносабати билан “LION”  кафесида 60 нафар   ижтимоий ҳимояга муҳтож кексалар, ногиронлиги бўлган шахслар таклиф қилиниб, байрам тадбири ташкил этилди.

Тадбир давомида  реабилитация техник воситаларига муҳтож ногиронлиги бўлган шахслардан 5 нафари эшитиш мосламаси, 3нафари хасса, 3 нафари ўтиргичли аравача билан таъминланди.

МЕҲРИНГИЗНИ ДАРИҒ ТУТМАНГ
        Жорий йилнинг 3 декабрь кунида Ўзбекистон касаба уюшмалари Федерациясининг Навоий вилоят кенгаши ҳамда Соғлиқни сақлаш ходимлари касаба уюшмаси вилоят кенгаши  ташаббуси билан “3 декабрь – Халқаро ногиронлар куни”  муносабати билан  Навбаҳор туманида жойлашган вилоят “Асаб-руҳий касалликлари диспансери”да  меҳр-мурувват тадбири ташкил этилди.
Мазкур тадбирда касаба уюшмалари фаоллари ҳамда шифокорлар иштирок этдилар.
           Унда Ўзбекистон касаба уюшмалари Федерацияси Навоий вилояти кенгаши раҳбари Назира Тоғиева ва Ўзбекистон соғлиқни сақлаш ходимлари касаба уюшмаси Навоий вилоят кенгаши раиси Феруза Раҳимова сўзга чиқиб, мамлакатимизда Президент Шавкат Мирзиёев томонидан олиб борилаётган одилона сиёсат ҳамда соғлиқни сақлаш тизимини тобора ривожлантириш, ногиронлиги бўлган замондошларимизни ҳар томонлама қўллаб-қувватлаш, уларга ўз вақтида сифатли ҳамда тезкор тиббий ёрдам кўрсатиш борасида амалга оширилаётган ишлар хусусида тўхталди.
Тадбирнинг расмий қисми ниҳоясига етгач, диспансерда даволанаётган замондошларимиз учун байрамона дастурхон ташкил этилди.
 “Халқаро ногиронлар куни”га бағишлаб ўтказиладиган мазкур тадбир ҳам ногиронларга ижтимоий ёрдам кўрсатиш, моддий ва маънавий қўллаб-қувватлаш, уларнинг жамиятда ўз ўринларини эгаллашларига имкониятлар яратиш борасида республикамизда амалга оширилаётган ишлар, бу борада Муҳтарам Президентимиз томонидан ногиронларга кўрсатилаётган ғамхўрлик, кенг жамоатчиликнинг ҳам бу савобли ишларда фаол иштирокининг ёрқин намунасидир.