Янка Купала ТУТЭЙШЫЯ / трагічна-смяшлівыя сцэны 16+

Незалежная тэатральная група “Купалаўцы” ўтварылася ў 2020 годзе. Купалаўцы – гэта былы калектыў Нацыянальнага акадэмічнага тэатра імя Янкі Купалы, найстарэйшага драматычнага тэатра Беларусі. У 2020 годзе тэатр рыхтаваўся ўрачыста адзначыць сваё стагоддзе, але ўсё атрымалася інакш. 26 жніўня мы звольніліся ў знак салідарнасці з беларускім народам, які выйшаў на мірныя пратэсты супраць гвалту і беззаконня ў краіне. Мы – нацыянальны тэатр, бо ўсе гэтыя гады стаім поплеч з народам. Цяпер мы – свабодныя купалаўцы, незалежная тэатральная група. Мы пакінулі за плячыма наш дом, але верым, што абавязкова вернемся. І нашу доўгую дарогу дадому мы брукуем творчасцю.

Першы праект “Купалаўцаў” – спектакль “Тутэйшыя” паводле класічнай п’есы апекуна нашага тэатра, паэта і драматурга Янкі Купалы.

“Тутэйшыя” – сатырычная трагікамедыя (у вызначэнні аўтара — “трагічна-смяшлівыя сцэны ў 4-х дзеях”), была завершана ў жніўні 1922 года і ўпершыню апублікаваная ў часопісе “Полымя”…