Беларускія пратэсты застаюцца ў ценю гісторыі з Навальным.

Усе лідэры вядучых краінаў, і па некалькі разоў, выказаліся адносна мяркуемага атручваньня расейскага апазыцыянэра Навальнага. Прычым найбольш рэзкія ацэнкі ў бок Крамля гучалі гэтым разам з вуснаў не амэрыканскіх, а эўрапейскіх палітыкаў. І ў ЭЗ, і ў «брэкзітнай» Вялікай Брытаніі абмяркоўваюць даволі сур’ёзныя эканамічныя санкцыі супраць Крамля.

На фоне гэтага падзеі ў Беларусі адышлі на другі плян. Ужо зразумела, што рэакцыяй Эўразьвязу будзе, у самым горшым для афіцыйнага Менску выпадку, стварэньне пэрсанальнага санкцыйнага сьпісу. У які некаторыя ўрады прапануюць не ўключаць самога Лукашэнку — каб пакінуць «вакно магчымасьцяў».

Цяперашняя сытуацыя з Навальным нагадвае падзеі 2001 году. Прэзыдэнцкія выбары, якія адбыліся ў Беларусі 9 верасьня са шматлікімі парушэньнямі, ужо на наступны дзень былі ў цэнтры ўвагі сусьветнай супольнасьці. Аднак яшчэ праз дзень пра іх ужо не прыгадвалі — сьвет жахнуўся ад тэрактаў супраць Амэрыкі 9/11.

Піша Міхась Скобла ў свежым нумары Народнай волі Забаронены плод, як вядома, самы салодкі