A
🇺🇸 Заява Амбасады ЗША ў Беларусі аб неабходнасьці спыніць перасьлед і затрыманьне журналістаў і блякаваньне доступу ў Інтэрнэт у Беларусі
«Мы занепакоеныя працягам перасьледу журналістаў, блякаваньнем незалежных СМІ і апазыцыйных вэб-сайтаў, пэрыядычнымі адключэньнямі Інтэрнэту і адвольнымі затрыманьнямі мірных грамадзян, якія рэалізуюць свае правы на свабоду сходаў і слова.
Мы заклікаем урад Беларусі праявіць стрыманасьць. Як запэўніў намесьнік дзяржсакратара Бігэн падчас свайго выступу ў АБСЭ ў Вене і як мы ўжо заяўлялі раней, Злучаныя Штаты Амэрыкі заклікаюць да неадкладнага вызваленьня несправядліва затрыманых і высьвятленьня лёсу асобаў, зьніклых бязь зьвестак.
Мы падтрымліваем беларускі народ у яго імкненьні да дэмакратычнай, квітнеючай будучыні і падтрымліваем яго заклік да ўрада Беларусі правесьці дэмакратычныя рэформы і паважаць правы чалавека і асноўныя свабоды. Мы прытрымліваемся нашага доўгатэрміновага абавязаньня падтрымліваць сувэрэнітэт і тэрытарыяльную цэласнасьць Беларусі, а таксама імкненьне беларускага народу выбіраць сваіх лідэраў і выбіраць свой уласны шлях бяз вонкавага ўмяшаньня»
