н
А там 8.5/10 чэд
АСНОЎНАЕ НА ГЭТЫ МОМАНТ
Улады перайшлі да тактыкі кропкавых затрыманняў лідараў пратэставага руху. Сёння схопленыя Кавалькова і Дылеўскі з Каардынацыйнай рады, Лаўрыновіч на МЗКЦ, Бокун на Беларуськаліі, Акаловіч і Вінярскі пасля плошчы Незалежнасці ў Мінску, Шанцаў у Магілёве. Затрыманні адбыліся ў Гродне і Чачэрску ды інш. Улады прамацваюць: ці пратэсты пасля гэтага спыняцца, ці народ будзе зноў рэагаваць зацятасцю і супрацівам, як было 9—13 жніўня.
У абменніках працягваюць стаяць чэргі, рубель яшчэ апусціўся да даляра і еўра. НБРБ спыніў падтрымку банкаў па фіксаванай стаўцы авернайт і пакінуў толькі аўкцыённыя аперацыі падтрымкі ліквіднасці плюс экстраныя антыкрызісныя крэдыты.
Колькасць сродкаў, сабраных у Фонд салідарнасці, набліжаецца да 3 млн даляраў. Фонд зрабіў першыя выплаты звольненым за палітыку.
Заўтра ў Маладзечне будуць хаваць Мікіту Крыўцова, у Жабінцы сёння развіталіся з Генадзем Шутавым, дэманстрантамі.
Лукашэнка 4-ы раз за тыдзень размаўляў з Пуціным. Пяскоў чарговы раз заклікаў бакі ў Беларусі да дыялогу, у не самых прыемных для Мінска фармулёўках. А заўтра ў Мінск, здаецца, ізноў ляціць шэф ФСБ Бортнікаў.
Палітвязні па крымінальных справах, ад Бабарыкі да Ціханоўскага, застаюцца за кратамі.
Нямецкія медыкі выявілі, што Навальны быў атручаны.
Пра дзяржапарат, стратэгію гвалту і сапраўдную ролю Каардынацыйнай рады — вялікая гутарка з Паўлам Латушкам
Сусветныя СМІ змяшчаюць на першых палосах інфармацыю пра ўчорашні шматсоттысячны мітынг у Мінску.
Лукашэнка прыняў Петрышэнку і Карпенку, заявіў, што ў школах не месца тым, хто не прымае "дзяржаўнай ідэалогіі".
Выявілася, што на 10 участках Кастрычніцкага раёна Мінска атрымаліся аднолькавыя вынікі, а таксама апублікаваны аўдыёзапіс, як у Віцебску ціснуць на настаўніцу, каб яна падпісала сфальсіфікаваны пратакол.
Ну а беларуская авіяцыя збіла паветраныя шарыкі, якія ляцелі ў Беларусь з боку Літвы. Апублікаванае відэа гэтай бліскучай аперацыі.
